അരുവിപ്പുറം ശിവപ്രതി​ഷ്ഠ​യി​ലൂടെ ശ്രീനാരായണഗുരു അനാ​ചാ​ര​ങ്ങളെ ഉടച്ചുവാർക്കാൻ ശ്രമി​ച്ചത് ഇരു​ള​ടഞ്ഞ ഹൃദ​യങ്ങളിൽ അറി​വിന്റെ ദീപം കൊളു​ത്തി​വ​ച്ചു​കൊ​ണ്ടാ​യി​രു​ന്നു. തമോ​ഗു​ണ​ത്തിൽ നിന്നുണ്ടായ സാമൂ​ഹ്യ​ വ്യ​വ​സ്ഥി​തി​യുടെ ബലി​യാ​ടു​ക​ളായ ജന​ല​ക്ഷ​ങ്ങളെ നേരാംവഴി​ കാ​ട്ടാ​നാ​യി​രുന്നു 1888 ൽ ഗുരു അരു​വി​പ്പു​റത്ത് ശിവ​പ്ര​തിഷ്ഠ നടത്തിയത്. വിദ്യകൊണ്ട് സ്വത​ന്ത്ര​രാ​കുക എന്ന മഹിതസന്ദേശം എല്ലാ​വ​രി​ലേക്കും എത്തി​ക്കാനാണ് മഹാകവി കുമാ​ര​നാ​ശാ​നെയും ദിവ്യശ്രീ ശിവ​ലിംഗ സ്വാമി​ക​ളെയും അദ്ധ്യാ​പ​ക​രാക്കിക്കൊണ്ട് അരു​വി​പ്പു​റത്ത് സംസ്‌കൃത സ്‌കൂൾ ആരം​ഭി​ച്ചത്.

എന്നാൽ കേരളം ഇന്നും സമ​ഗ്ര​മായ മനുഷ്യനന്മയെ പുൽകുന്ന ഗുരു​ദർശനത്തെ വിദ്യാ​ഭ്യാസ പദ്ധ​തി​യിൽ ഉൾപ്പെ​ടു​ത്താൻ മനസ് കാട്ടുന്നില്ല. ഫലമോ ഇന്ന് നാം സമൂ​ഹ​ത്തിൽ കാണുന്ന സമ്മർദ്ദം നിറഞ്ഞ, അ​സ്വ​സ്ഥതകൾ കൈമു​ത​ലാ​ക്കി​യ, സ്‌നേഹ​വും പരസ്പര വിശ്വാ​സവു​മി​ല്ലാ​ത്ത, സ്വാർത്ഥത മാത്രം കൈമു​ത​ലാ​ക്കിയ, മദ്യ​ത്തിനും മയ​ക്കു​മ​രു​ന്നിനും അടി​മ​ക​ളായ ഒരു തലമുറ വളർന്നു വരും.
ഇങ്ങനെയൊരു ജന​തയെ സൃഷ്ടി​ക്കാനാണോ നാം ഇത്ര​യേറെ ക്ളേശങ്ങൾ സഹിച്ച് കുഞ്ഞു​ങ്ങളെ പഠി​പ്പി​ക്കു​ന്നത് ? ഇതാ​രാണ് ചിന്തി​ക്കേ​ണ്ടത് ? നാം ഓരോ​രു​ത്ത​രു​മല്ലേ ? സമയം ആർക്കെ​ങ്കിലും വേണ്ടി കാത്തു​നിൽക്കുമോ ? ഇനിയെങ്കിലും നാമിത് തിരിച്ചറിയണം.

വില​മ​തി​ക്കാ​നാ​വാത്ത ഈ മനുഷ്യജന്മത്തെ അർത്ഥ​വ​ത്താ​ക്കു​ന്നത് ജീവി​ത​ല​ക്ഷ്യ ത്തെ​ക്കു​റി​ച്ചു​ളള വ്യക്ത​മായ കാഴ്ചപ്പാ​ടാ​യി​രി​ക്കണം. ഏതെങ്കിലും മത​വി​ശ്വാ​സവും ആചാ​രാ​നു​ഷ്ഠാ​ന​ങ്ങളും നമ്മെ നശി​പ്പി​ക്കാൻ ഇടം കൊ​ടു​ക്ക​രുത്. നമ്മുടെ ഉള്ളിൽ പ്രകാ​ശിച്ച് നിൽക്കു​ന്നതും വിലമതി​ക്കാൻ പറ്റാത്തതും ഒരി​ക്കലും ഉദി​ക്കാ​ത്തതും അണയാ​ത്ത​തു​മായ നിത്യചൈത​ന്യം നമ്മുടെ തല​മു​റ​ക​ളി​ലേക്ക് എന്ന് പകരുന്നുവോ അന്ന് മാത്ര​മാ​യി​രിക്കും ശ്രീനാ​രാ​യണ ഗുരു​ദേ​വൻ വിഭാ​വനം ചെയ്ത ജാതിഭേദം മത​ദ്വേഷം ഏതു​മി​ല്ലാതെ സർവരും, സോദ​രത്വേന വാഴുന്ന മാതൃ​കാ​സ്ഥാ​ന​മായി ഈ ധ​രി​ത്രി​യെ മാറ്റാൻ സാധിക്കുക.

ഈ ചിന്താ​ധാ​ര​യി​ലേക്ക് നമ്മുടെ ഹൃദ​യത്തെ ചേർത്തുവയ്‌ക്കാൻ 133-ാം ശിവ​പ്ര​തിഷ്ഠാദിനം കരു​ത്തേ​കട്ടെ എന്ന പ്രാർത്ഥനയോടെ അരു​വി​പ്പു​റ​മെന്ന പുണ്യ​നാമ​ത്തി​ലേക്ക് ഏവ​രേയും സ്വാഗതം ചെയ്യു​ന്നു. ജീവി​ത​ത്തിൽ ഒരി​ക്ക​ലെ​ങ്കിലും ശ്രീനാ​രാ​യണ ഋഷി തപസ് ചെയ്ത ഈ പുണ്യഭൂമി ദർശി​ക്കാൻ ഏവർക്കും ഇട​വ​ര​ട്ടെ. ഒരു ചെറിയ ദീപം തെളി​ക്കാൻ ലഭി​ക്കുന്ന അവ​സ​രം പാഴാ​ക്കാ​തി​രി​ക്കു​ക. ശിവ​രാത്രി എന്നത് മംഗ​ള​ക​ര​മായ ചൈത​ന്യത്തെ തിരി​ച്ച​റി​യാ​നു​ളള അവ​സ​ര​മായി നാം കണ്ടാൽ നമ്മുടെ ജന്മം സഫലമായി. യാന്ത്രി​ക​മായ അനു​ഷ്ഠാ​ന​ത്തി​ലൂടെ ഒരി​ക്കലും നമ്മിലെ നമ്മെ കണ്ടെ​ത്താൻ സാദ്ധ്യ​മ​ല്ലെന്ന് ഗുരു ഓർമ്മി​പ്പി​ക്കു​ന്നു. അറി​വിന്റെ അന​ന്ത​വി​ഹാ​യ​സി​ലേക്ക് നമുക്കും പറന്നുപോകാം.