ബാലരാമപുരം: വീട് കയറി ആക്രമിച്ച കേസിൽ നാല് പേരെ നരുവാമൂട് പൊലീസ് അറസ്റ്റ് ചെയ്തു. കഴിഞ്ഞ 6 ന് ഉച്ചയോടെയാണ് സംഭവം. അയണിമൂട് ബിബിൻ സദനത്തിൽ ബിബിൻ ചന്ദ്രൻ (23)​,​ സുബിൻ ചന്ദ്രൻ (22)​ എന്നിവരുടെ വീട് കയറിയാണ് ആക്രമിച്ചത്. നരുവാമൂട് മണ്ണാർമുട്ടം കോളനിയിൽ അയണിമൂട് ദേവകൻ (29)​,​ മുകേഷ് (34)​,​ സുരേഷ് (40)​,​ കിരൺ (26) എന്നിവരാണ് അറസ്റ്റിലായത്. കാട്ടാക്കട ഡെപ്യൂട്ടി സൂപ്രണ്ട് ഷാജി എസിന്റെ നിർദ്ദേശാനുസരണം സ്റ്റേഷൻ ഇൻസ്പെക്ടർ നോബിളിന്റെ നേത്യത്വത്തിൽ എസ്.ഐ പത്മചന്ദ്രൻ നായർ,​ എ.എസ്.ഐ മാരായ ബൈജു,​ രാജേഷ് കുമാർ,​ ഷാജി,​ സിവിൽ പൊലീസ് ഓഫീസർ വിനയജിത്ത് എന്നിവരടങ്ങുന്ന സംഘം അറസ്റ്റ് ചെയ്യുകയായിരുന്നു.