മുക്കം: ശാസ്ത്ര സാഹിത്യ പരിഷത്ത് സാംസ്‌കാരികോത്സവത്തിന്റെ ഭാഗമായി നടത്തിയ ' പെണ്ണൊച്ച' വനിത കൂട്ടായ ശബ്ദമില്ലാത്തവരുടെ ശബ്ദമായി. പരിഷത്ത് മുക്കം മേഖല കമ്മിറ്റി മുക്കം എസ്.കെ.സ്മാരക പാർക്കിലാണ് വനിത കൂട്ടായ്മ സംഘടിപ്പിച്ചത്. പുരുഷാധിപത്യ സമൂഹത്തിൽ സ്ത്രീകൾ നേരിടുന്ന വിവേചനങ്ങളാണ് പെണ്ണൊച്ച വിവിധ കലാപ്രകടനങ്ങളിലൂടെ അവതരിപ്പിച്ച് ചർച്ചയ്ക്ക് വിധേയമാക്കിയത്. തത്സമയ ചിത്രംവരയും നടത്തി. സിഗ്‌നിദേവരാജ് ഉദ്ഘാടനം ചെയ്തു. എൻ.കെ.രശ്മി, അശ്വനി മംഗളൻ, കെ.ജി. ഹൃദ്യ എന്നിവരും ചിത്രം വരച്ചു.
പാർവതിയും സംഘവും നാടോടിപ്പാട്ടുകളും കാർത്ത്യായണി കലാമന്ദിരം ശാസ്ത്രീയ നൃത്തവും പന്നിക്കോട് ബാലവേദി കൂട്ടുകാർ പാട്ടരങ്ങും ശാന്ത നീലേശ്വരം നാടൻ പാട്ടും അവതരിപ്പിച്ചു. തൊണ്ടിമ്മൽ ബാലവേദി അവതരിപ്പിച്ച കവിതാവിഷ്‌കാരത്തിൽ മീന ജോസഫ്, സതി തിരുവമ്പാടി, ശബരിമണാശ്ശേരി, എ.എസ്. നദി എന്നിവർ കവിതാലാപനം നടത്തി. മുക്കം നഗരസഭ വൈസ് ചെയർപേഴ്‌സൺ അഡ്വ. കെ.പി. ചാന്ദ്‌നി ഉദ്ഘാടനം ചെയ്തു. മുതിർന്ന പ്രവർത്തകയായ ചിന്നമാളു അന്തർജനത്തെ അവർ പൊന്നാടയണിയിച്ച് ആദരിച്ചു. കൗൺസിലർമാരായ പ്രജിത പ്രദീപ്, അനിത, ഇ. സത്യനാരായണൻ, പരിഷത്ത് ജില്ലാ കമ്മിറ്റിയംഗം ബോബിജോസഫ്, മേഖല സെക്രട്ടറി സി. ദേവരാജൻ, സലീന മുജീബ്, എ.പി. നൂർജഹാൻ, അശ്വിനി മംഗളൻ എന്നിവർ സംസാരിച്ചു. പി. സ്മിന അദ്ധ്യക്ഷത വഹിച്ചു.