കടയ്ക്കാവൂർ: അഞ്ചുതെങ്ങ് സർവീസ് സഹകരണ ബാങ്കിന്റെ വാർഷിക പൊതുയോഗം അഞ്ചുതെങ്ങ് ഗ്രാമപഞ്ചായത്ത് പ്രസിഡന്റ് വി. ലൈജു ഉദ്ഘാടനം ചെയ്തു. ബാങ്ക് പ്രസിഡന്റ് അഞ്ചുതെങ്ങ് സുരേന്ദ്രൻ അദ്ധ്യക്ഷത വഹിച്ചു. പ്രവർത്തന റിപ്പോർട്ടും ഓഡിറ്റ് റിപ്പോർട്ടുകളും വരവ് ചിലവ് കണക്കുകളും സെക്രട്ടറി എം.ജി. ഗീതാഭായിയും ബൈല ഭേദഗതി ബോർഡംഗം ശരത്ചന്ദ്രനും അവതരിപ്പിച്ചു. ചർച്ചകൾക്ക് ശേഷം ഐക്യകണ്ഠേന പാസാക്കി. ചിറയിൻകീഴ് ബ്ലോക്ക് പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൻ ജോസഫിൻ മാർട്ടിൻ, മത്സ്യത്തൊഴിലാളി ക്ഷേമനിധി ബോർഡംഗം സി. പയസ്, മത്സ്യഫെഡ് അംഗം ആർ. ജറാൾഡ് തുടങ്ങിയവർ സംസാരിച്ചു. ബാങ്കിന്റെ ബോർഡ് മെമ്പർമാരായ മനോഹരൻ, ശ്യാമ പ്രകാശ്, ശ്രീബുദ്ധൻ, സാംബശിവൻ, കുമാരി തങ്കം തുടങ്ങിയവർ പങ്കെടുത്തു. പഞ്ചായത്ത് വൈസ് പ്രസിഡന്റും ബോർഡ് മെമ്പറുമായ ലിജാ ബോസ് സ്വാഗതവും ബോർഡ് മെമ്പർ ആർ. ജറാൾഡ് നന്ദിയും പറഞ്ഞു.