തിരുവനന്തപുരം: സംസ്ഥാനത്ത് ഇന്നലെ 1792 കൊവിഡ് കേസുകൾ കൂടി സ്ഥിരീകരിച്ചു. 1597 പേർ

സമ്പർക്കരോഗികളാണ്. 143 പേരുടെ ഉറവിടം വ്യക്തമല്ല. 9 ആരോഗ്യ പ്രവർത്തകരും രോഗബാധിതരായി. കഴിഞ്ഞ 24 മണിക്കൂറിനിടെ 50,565 സാമ്പിളുകളാണ് പരിശോധിച്ചത്. 3.54ശതമാനമാണ് ടെസ്റ്റ് പോസിറ്റിവിറ്റി നിരക്ക്. 15 മരണങ്ങളും റിപ്പോ‌ർട്ട് ചെയ്തു. കോഴിക്കോട് 288, കൊല്ലം 188, കോട്ടയം161, തിരുവനന്തപുരം161, കണ്ണൂർ151, മലപ്പുറം151, പത്തനംതിട്ട137, എറണാകുളം132, ആലപ്പുഴ112, തൃശൂർ108, കാസ‌ർകോട് 65, ഇടുക്കി 59, വയനാട് 40, പാലക്കാട് 39 എന്നിങ്ങനെയാണ് ജില്ലകളിലെ പുതിയ കേസുകൾ. അതേസമയം ചികിത്സയിലായിരുന്ന 3238 പേ‌ർ രോഗമുക്തരായി. വിവിധ ജില്ലകളിലായി 1,50,312 പേരാണ് ഇപ്പോൾ നിരീക്ഷണത്തിലുള്ളത്. ഇവരിൽ 1,45,982 പേർ വീട്/ഇൻസ്റ്റിറ്റ്യൂഷണൽ ക്വാറന്റൈനിലും 4330 പേർ ആശുപത്രികളിൽ നിരീക്ഷണത്തിലുമാണ്.

 ആകെ രോഗികൾ1091270

 ചികിത്സയിലുള്ളവർ 29 ,478

 രോഗമുക്തർ 10,57,097

 ആകെ മരണം 4396