തിരുവനന്തപുരം ജില്ലയിൽ ഇന്നലെ 200 പേർക്ക് കൂടി കൊവിഡ് സ്ഥിരീകരിച്ചു. 114 പേർ രോഗമുക്തരായി. 132 പേർക്ക് സമ്പർക്കത്തിലൂടെയാണ് രോഗബാധയുണ്ടായത്. നിലവിൽ 1,967 പേരാണ് ജില്ലയിൽ രോഗം സ്ഥിരീകരിച്ച് ചികിത്സയിൽ കഴിയുന്നത്. രോഗലക്ഷണങ്ങളെത്തുടർന്ന് 1,195 പേരെക്കൂടി നിരീക്ഷണത്തിലാക്കി. ഇവരടക്കം ആകെ 15,505 പേർ വീടുകളിലും 40 പേർ സ്ഥാപനങ്ങളിലും ക്വാറന്റൈനിൽ കഴിയുന്നുണ്ട്. 1,569 പേർ നിരീക്ഷണകാലം പൂർത്തിയാക്കി.