തിരുവനന്തപുരം: ജില്ലയിൽ ഇന്നലെ 131 പേർക്ക് കൂടി കൊവിഡ് സ്ഥിരീകരിച്ചു. 166 പേർ രോഗമുക്തരായി. നിലവിൽ 1933 പേരാണ് രോഗം സ്ഥിരീകരിച്ച് ചികിത്സയിൽ കഴിയുന്നത്. ഇന്നലെ രോഗം സ്ഥിരീകരിച്ചവരിൽ 88 പേർക്ക് സമ്പർക്കത്തിലൂടെയാണ് രോഗബാധയുണ്ടായത്. ജില്ലയിൽ ഇന്നലെ 1343 പേരെക്കൂടി നിരീക്ഷണത്തിലാക്കി. ആകെ 15,​631 പേർ ക്വാറന്റൈനിൽ കഴിയുന്നുണ്ട്. 1251 പേർ രോഗലക്ഷണങ്ങളില്ലാതെ നിരീക്ഷണകാലം പൂർത്തിയാക്കി.