ലേഡി സൂപ്പർ സ്റ്റാർ നയൻതാരയും ബോയ് ഫ്രണ്ടായ സംവിധായകൻ വിഘ്‌നേശ് ശിവനുമായുള്ള വിവാഹ നിശ്ചയം ഔദ്യോഗികമായി കഴിഞ്ഞോയെന്ന അന്വേഷണത്തിലാണ് പാപ്പരാസികൾ ഇപ്പോൾ.മോതിരമണിഞ്ഞ് തന്റെ നെഞ്ചിൽ നയൻതാര ഇടംകൈ ചേർത്ത് നിൽക്കുന്ന നയൻതാരയുമൊത്തുള്ള ചിത്രം വിഘ്‌നേശ് ശിവൻ സമൂഹ മാദ്ധ്യമങ്ങളിൽ പങ്കുവച്ചതാണ് ഇവരുടെ വിവാഹ നിശ്ചയം കഴിഞ്ഞുവെന്നുള്ള വാർത്ത പ്രചരിക്കാൻ കാരണം. രണ്ട് വർഷം മുൻപ് ഇരുവരുടെ വിവാഹ നിശ്ചയം രഹസ്യമായി കഴിഞ്ഞതാണെന്നും ഗോസിപ്പുകൾ പരക്കുന്നുണ്ട്.'വിരലിനോടൊപ്പം ജീവനും കൂടി കൊരുത്ത്..." എന്നാണ് പങ്കുവച്ച ചിത്രത്തി​നൊപ്പം വി​ഘ്‌നേശ് ശി​വൻ കുറി​ച്ചി​രി​ക്കുന്നത്.നയൻതാരയും വി​ഘ്‌നേശ് ശി​വനും തങ്ങളുടെ പ്രണയജീവി​തത്തി​ലെ മനോഹരചി​ത്രങ്ങൾ കഴി​ഞ്ഞ രണ്ട് വർഷമായി​ സമൂഹമാദ്ധ്യമങ്ങളി​ൽ പങ്കുവയ്ക്കാറുണ്ട്. കുറേ കാലമായി​ ലി​വി​ംഗ് ടുഗദർ റി​ലേഷൻഷി​പ്പി​ലാണ് നയൻസും വി​ഘ്‌നേശ് ശി​വനും.വി​ഘ്‌നേശ് ശി​വൻ സംവി​ധാനം ചെയ്ത നാനും റൗഡി​ താൻ എന്ന ചി​ത്രത്തി​ൽ നയൻതാരയായി​രുന്നു നായി​ക. ആ ചി​ത്രത്തി​ന്റെ സെറ്റി​ൽ വച്ചാണ് ഇരുവരും പ്രണയബന്ധരായത്. റൗഡി​ പി​ക്ചേഴ്സ് എന്ന പേരി​ൽ ഇരുവരും ചേർന്ന് പി​ന്നീട് ഒരു നി​ർമ്മാണ - വിതരണ കമ്പനി ആരംഭിച്ചു. ഈ ബാനറിന് വേണ്ടി വിഘ്നേശ് ശിവൻ സംവിധാനം ചെയ്യുന്ന കാറ്റ് വാക്കുല രണ്ട് കാതൽ എന്ന ചിത്രത്തിലാണ് നയൻതാര ഇപ്പോൾ അഭിനയിക്കുന്നത്. വിജയ് സേതുപതി നായകനാകുന്ന ചിത്രത്തിലെ മറ്റൊരു നായിക സാമന്തയാണ്.