തിരുവനന്തപുരം:സംസ്ഥാനത്ത് 30 വരെ ഇടിയോടു കൂടിയ വേനൽ മഴയ്ക്ക് സാദ്ധ്യത. വടക്കൻ ജില്ലകളായ കോഴിക്കോട്, കണ്ണൂർ എന്നിവിടങ്ങളിലാണ് കൂടുതൽ മഴ സാദ്ധ്യതയുള്ളത്. തെക്കൻ ജില്ലകളിലെ മലയോര പ്രദേശങ്ങളിലും കിഴക്കൻ പ്രദേശങ്ങളിലും വൈകിട്ടും രാത്രി വൈകിയും മഴ ലഭിക്കും. മദ്ധ്യ ജില്ലകളായ എറണാകുളം തൃശൂർ ജില്ലയിലും ഇടിമിന്നലോടു കൂടിയ മഴയ്ക്ക് സാദ്ധ്യതയുണ്ട്. ഇന്നും നാളെയും മദ്ധ്യ വടക്കൻ ജില്ലകളിൽ 30 മുതൽ 40 കി.മി. വരെ വേഗതയിൽ കാറ്റിനും ശക്തമായ ഇടിമിന്നലിനും സാദ്ധ്യതയുള്ളതിനാൽ ജനങ്ങൾ ജാഗ്രത പാലിക്കണം.