തിരുവനന്തപുരം : സംസ്ഥാനത്ത് ഇന്നലെ 2216 കൊവിഡ് കേസുകൾ റിപ്പോർട്ട് ചെയ്തു. 1931 പേർ
സമ്പർക്കരോഗികളാണ്. 170 പേരുടെ ഉറവിടം വ്യക്തമല്ല. 23 ആരോഗ്യ പ്രവർത്തകരും രോഗബാധിതരായി. യു.കെയിൽ നിന്നെത്തിയ ഒരാൾക്ക് കൂടി കൊവിഡ് സ്ഥിരീകരിച്ചു. 24 മണിക്കൂറിനിടെ 47,229 സാമ്പിളുകളാണ് പരിശോധിച്ചത്. 4.69 ശതമാനമാണ് ടെസ്റ്റ് പോസിറ്റിവിറ്റി നിരക്ക്. 12 മരണങ്ങളും റിപ്പോ‌ർട്ട് ചെയ്തു. ചികിത്സയിലായിരുന്ന 1853 പേർ രോഗമുക്തരായി.