തിരുവനന്തപുരം: സർക്കാർ മെഡിക്കൽ കോളേജിലും കോഴിക്കോട്ടെ സ്വാശ്രയ കോളേജായ മിംസ് കോളേജ് ഒഫ് അപ്ളൈഡ് ഹെൽത്ത് സയൻസിലും നടത്തുന്ന എം.എസ്‌സി (എം.എൽ.ടി) കോഴ്സിലെ മെരിറ്റ് സീറ്റിലേക്ക് ഏപ്രിൽ 10 വരെ അപേക്ഷിക്കാം. പ്രോസ്‌പെക്ടസ് www.lbscetnre.kerala.gov.in ൽ. ബി.എസ്‌സി (എം.എൽ.ടി) 55% മാർക്കുള്ളവർക്ക് അപേക്ഷിക്കാം. പ്രായപരിധി 40. സർവീസ് ക്വാട്ടയിലുള്ളവർക്ക് 49. എം.എസ്‌സി.(എം.എൽ.ടി) www.lbscetnre.kerala.gov.in ലൂടെ അപേക്ഷിക്കാം. അപേക്ഷാഫീസ് പൊതുവിഭാഗത്തിന് 1000ഉം പട്ടികജാതി/പട്ടികവർഗ വിഭാഗത്തിന് 500 രൂപയുമാണ്. ഫെഡറൽ ബാങ്കിന്റെ കേരളത്തിലെ ശാഖകളിൽ ഏപ്രിൽ 10 വരെ അപേക്ഷാഫീസ് അടയ്ക്കാം. 2021 ഏപ്രിൽ 12 വരെ ഓൺലൈൻ രജിസ്‌ട്രേഷൻ നടത്താം. സർവീസ് ക്വോട്ടയിൽ അപേക്ഷിക്കുന്നവർ അപേക്ഷാഫീസ് സർക്കാർ ട്രഷറിയിൽ '0210-03-105-99' എന്ന ഹെഡ് ഒഫ് അക്കൗണ്ടിലാണ് ഒടുക്കേണ്ടത്.തിരുവനന്തപുരത്തു നടത്തുന്ന പ്രവേശന പരീക്ഷയ്ക്ക് ലഭിക്കുന്ന റാങ്കിന്റെ അടിസ്ഥാനത്തിലാണ് പ്രവേശനം. സർവീസ് ക്വോട്ടയിൽ അപേക്ഷിക്കുന്നവരും പ്രവേശന പരീക്ഷ എഴുതണം. കൂടുതൽ വിവരങ്ങൾക്ക് 04712560360, 361, 362, 363, 364, 365.