തിരുവനന്തപുരം: സംസ്ഥാനത്ത് 1549 കൊവിഡ് കേസുകൾ കൂടി റിപ്പോർട്ട് ചെയ്തു. 1337 പേർ സമ്പർക്കരോഗികളാണ്. 133 പേരുടെ സമ്പർക്ക ഉറവിടം വ്യക്തമല്ല. സൗത്ത് ആഫ്രിക്കയിൽ നിന്നും വന്ന രണ്ട് പേർക്ക് രോഗം സ്ഥിരീകരിച്ചു. 11 ആരോഗ്യ പ്രവർത്തകരും രോഗബാധിതരായി. 24 മണിക്കൂറിനിടെ 37,337 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 4.14ആണ്. 11 മരണങ്ങളും റിപ്പോർട്ട് ചെയ്തു. കണ്ണൂർ 249, എറണാകുളം 184, കോഴിക്കോട് 184, തിരുവനന്തപുരം 155, മലപ്പുറം 134, കാസർകോട് 98, കൊല്ലം 92, പാലക്കാട് 88, തൃശ്ശൂർ 88, കോട്ടയം 85, പത്തനംതിട്ട 60, ഇടുക്കി 53, ആലപ്പുഴ 48, വയനാട് 31 എന്നിങ്ങനെയാണ് ജില്ലകളിലെ പുതിയ രോഗബാധിതർ. 1897 പേർക്ക് രോഗമുക്തി. വിവിധ ജില്ലകളിലായി 1,31,085 പേരാണ് നിരീക്ഷണത്തിലുള്ളത്.