വിരലിലെണ്ണാവുന്ന സിനിമകളിലൂടെ ഏറെ ആരാധകരെ സ്വന്തമാക്കിയ താരമാണ് സാനിയ അയ്യപ്പൻ. അഭിനേത്രിയെന്നതിലുപരി മികച്ചൊരു നർത്തകി കൂടിയാണ് സാനിയ.

സമൂഹമാദ്ധ്യമങ്ങളിൽ സജീവമായ സാനിയ തന്റെ പുതിയ ചിത്രങ്ങൾ ആരാധകർക്കായി പങ്കുവയ്ക്കാറുണ്ട്.

നെഞ്ചിലും കൈയിലും ടാറ്റൂ പതിച്ച് കറുത്ത ഓഫ് ഷോൾഡർ ഗൗൺ അണിഞ്ഞ് സാനിയ പ്രത്യക്ഷപ്പെടുന്ന ചിത്രങ്ങൾ ഇന്റർനെറ്റിൽ ഇൻസ്റ്റന്റ് ഹിറ്റായിരിക്കുകയാണ്. കഴിഞ്ഞ ദിവസമാണ് സാനിയ ഇൻസ്റ്റഗ്രാമിലൂടെ പുതിയ ചിത്രങ്ങൾ പങ്കുവച്ചത്.

ബാലതാരമായാണ് സാനിയ സിനിമയിലെത്തിണ്ടത്. മമ്മൂട്ടി നായകനായ ബാല്യകാലസഖിയിൽ ഇഷാ തൽവാറിന്റെ ബാല്യമവതരിപ്പിച്ച് കൊണ്ടായിരുന്നു തുടക്കം. പിന്നീട് അപ്പോത്തിക്കരി എന്ന ചിത്രത്തിലും ബാലതാരമായി അഭിനയിച്ചു.

കാമ്പസ് ചിത്രമായ ക്യൂനിൽ നായികയായ സാനിയ തുടർന്ന് പ്രേതം 2, ലൂസിഫർ, പതിനെട്ടാം പടി തുടങ്ങിയ ഒട്ടേറെ ചിത്രങ്ങളിലഭിനയിച്ചു. മമ്മൂട്ടിച്ചിത്രമായ ദി പ്രീസ്റ്റിലാണ് ഒടുവിലഭിനയിച്ചത്.

സിൽവർ സാരിയിൽ

സുന്ദരിയായി കീർത്തി

പ്രശസ്ത തെന്നിന്ത്യൻ താരം കീർത്തി സുരേഷ് ഇൻസ്റ്റഗ്രാമിൽ പങ്കുവച്ച പുതിയ ചിത്രങ്ങൾ വൈറലാകുന്നു. സിൽവർ സാരിയിൽ അതീവ സുന്ദരിയായി താരം പ്രത്യക്ഷപ്പെടുന്ന ചിത്രങ്ങൾക്ക് ആരാധകർ വലിയ വരവേല്പാണ് നൽകുന്നത്. കന്നഡ സിനിമയിലെ പ്രമുഖ ഫോട്ടോഗ്രാഫറായ ചന്ദൻ ഫോട്ടോഗ്രഫിയാണ് ഈ ചിത്രങ്ങൾ പകർത്തിയത്.

ബാലതാരമായി അരങ്ങേറി ചെറുവേഷങ്ങളിലൂടെ വളർന്ന് തെന്നിന്ത്യൻ ഭാഷകളിലെല്ലാം താരപദവി സ്വന്തമാക്കിയ കീർത്തി സുരേഷ് തെലുങ്ക് ചിത്രമായ മഹാനടിയിലൂടെ മികച്ച അഭിനേത്രിക്കുള്ള ദേശീയ പുരസ്കാരം സ്വന്തമാക്കിയിരുന്നു.

സോഷ്യൽ മീഡിയയിൽ സജീവമായ താരം തന്റെ ചിത്രങ്ങളും സിനിമാ വിശേഷങ്ങളും ആരാധകരുമായി പങ്കുവയ്ക്കാറുണ്ട്. ഇൻസ്റ്റഗ്രാമിൽ മാത്രം എൺപത്തിയഞ്ച് ലക്ഷം പേർ കീർത്തിയെ പിന്തുടരുന്നുണ്ട്.