കായംകുളം: കായംകുളത്തെ യു.ഡി.എഫ് സ്ഥാനാർത്ഥി അരിതാബാബുവിനെതിരെ എ.എം. ആരിഫ് എം.പിയുടെ വിവാദ പരാമർശം. 'ഇവിടെ സ്ഥാനാർത്ഥിയുടെ പ്രാരാബ്ദ്ധങ്ങളാണ് മാനദണ്ഡമെങ്കിൽ അവർ അത് പറയട്ടെ. പാൽ സൊസൈറ്റിയിലേക്കുള്ള തിരഞ്ഞെടുപ്പല്ല നടക്കാൻ പോകുന്നത്, നിയമസഭയിലേക്കുള്ള തിരഞ്ഞെടുപ്പാണിതെന്ന് യു.ഡി.എഫ് ഓർക്കണം" എന്നായിരുന്നു ആരിഫിന്റെ പരാമർശം.

എൽ.ഡി.എഫ് സ്ഥാനാർത്ഥി യു. പ്രതിഭയുടെ തിരഞ്ഞെടുപ്പ് പ്രചാരണത്തിന്റെ ഭാഗമായി കായംകുളത്ത് നടന്ന വനിതാസംഗമത്തിലാണ് എ.എം. ആരിഫിന്റെ വിവാദ പ്രസംഗം. ആരിഫിന്റെ പരാമർശം കൈയടിയോടെ ആസ്വദിക്കുന്നവരെയും വിഡിയോയിൽ കാണാം. അതേസമയം അരിതയെ അപമാനിച്ച എം.പി മാപ്പ് പറയണമെന്ന് പ്രതിപക്ഷ നേതാവ് രമേശ് ചെന്നിത്തല പ്രതികരിച്ചു.

വിഡിയോ പുറത്തുവന്നതോടെ വലിയ രോഷമാണുയരുന്നത്. നേരത്തേ അരിതയെ കറവക്കാരി എന്ന് വിളിച്ച് സൈബർ ആക്രമണം നടന്നിരുന്നു. ഇതിനു പിന്നാലെ വീടിനു നേരെ നടന്ന ആക്രമണവും ചർച്ചയായി. പിന്നാലെയാണ് എം.പിയുടെ വിവാദ പരാമർശം. ആരിഫിന്റെ പ്രസ്താവന സൈബറിടങ്ങളിൽ യു.ഡി.എഫ് വ്യാപകമായി പ്രചരിപ്പിക്കുന്നുണ്ട്.

 അദ്ധ്വാനിക്കുന്ന ജനവിഭാഗത്തെ ആരിഫ് അപമാനിച്ചു: അരിത ബാബു

അദ്ധ്വാനിക്കുന്ന തൊഴിലാളി വർഗത്തിന്റെ പാർട്ടിയുടെ നേതാവ് ഇങ്ങനെ പറഞ്ഞത് ദുഃഖകരമാണെന്ന് അരിത ബാബു പറഞ്ഞു. സാധാരണക്കാരിയായി, ക്ഷീര കർഷകന്റെ മകളായാണ് നിയമസഭാതിരഞ്ഞെടുപ്പിൽ ഞാൻ വോട്ടഭ്യർത്ഥിച്ചത്. അദ്ധ്വാനിക്കുന്ന ജനവിഭാഗത്തെ ആകെ എ.എം. ആരിഫ് എം.പി അപമാനിച്ചു. പരാമർശം വേദനാജനകമാണെന്നും അരിത പറഞ്ഞു.

'​ക്ഷീ​ര​ക​ർ​ഷ​ക​യാ​യാ​ലും​ ​നി​യ​മ​സ​ഭ​യി​ലേ​ക്കും​ ​പാ​ൽ​ ​സൊ​സൈ​റ്റി​യി​ലേ​ക്കും​ ​മ​ത്സ​രി​ക്കാം.​ ​പ​ക്ഷെ​ ​അ​ത് ​മാ​ത്ര​മാ​ണ് ​മാ​ന​ദ​ണ്ഡം​ ​എ​ന്നാ​വ​രു​തെ​ന്നാ​ണ് ​ഞാ​ൻ​ ​ഉ​ദ്ദേ​ശി​ച്ച​ത്.​ ​പാ​ൽ​ ​സൊ​സൈ​റ്റി​യി​ലേ​ക്കു​ള്ള​ ​തി​ര​ഞ്ഞെ​ടു​പ്പ് ​എ​ന്നു​ ​പ​റ​ഞ്ഞാ​ൽ​ ​തൊ​ഴി​ലി​നെ​യും​ ​സ്ഥാ​നാ​ർ​ത്ഥി​യെ​യും​ ​ആ​ക്ഷേ​പി​ക്കു​ന്ന​താ​കു​മെ​ന്ന് ​എ​ത്ര​ ​ആ​ലോ​ചി​ച്ചി​ട്ടും​ ​പി​ടി​കി​ട്ടു​ന്നി​ല്ല.​ ​ര​മേ​ശ് ​ചെ​ന്നി​ത്ത​ല​യ്‌​ക്കെ​തി​രാ​യ​ ​സ്ഥാ​നാ​ർ​ത്ഥി​യു​ടെ​ ​പ്രാ​രാ​ബ്ദ്ധം​ ​ച​ർ​ച്ച​യാ​ക്കാ​തെ​ ​കാ​യം​കു​ള​ത്തെ​ ​സ്ഥാ​നാ​ർ​ത്ഥി​യു​ടെ​ ​പ്രാ​രാ​ബ്ദ്ധം​ ​വോ​ട്ടാ​ക്കാ​നു​ള്ള​ ​അ​വ​സാ​ന​ ​അ​ട​വാ​ണി​ത്.​ ​വാ​ക്കു​ക​ളെ​ ​സ​ന്ദ​ർ​ഭ​ത്തി​ൽ​ ​നി​ന്നു​ ​അ​ട​ർ​ത്തി​മാ​റ്റി​ ​ദു​ർ​വ്യാ​ഖ്യാ​നം​ ​ചെ​യ്ത് ​ന​ട​ത്തു​ന്ന​ ​ക​ള്ള​പ്ര​ചാ​ര​വേ​ല​യ്ക്ക് ​ജ​ന​ങ്ങ​ൾ​ ​ചു​ട്ട​മ​റു​പ​ടി​ ​ന​ൽ​കും.​ ​തൊ​ഴി​ലാ​ളി​വ​ർ​ഗ​ ​പ്ര​സ്ഥാ​ന​ത്തി​ന്റെ​ ​പ്ര​വ​ർ​ത്ത​ക​നാ​യ​ ​ഞാ​ൻ​ ​തൊ​ഴി​ലി​നെ​ ​ആ​ക്ഷേ​പി​ച്ചു​ ​എ​ന്ന് ​വ്യാ​ഖ്യാ​നി​ക്കു​ന്ന​ത് ​അ​ല്പ​ത്ത​ര​മാ​ണ്.​ ​പാ​ൽ​ ​സൊ​സൈ​റ്റി​ ​ഒ​രു​ ​മോ​ശ​പ്പെ​ട്ട​ ​സ്ഥാ​പ​ന​മാ​യി​ ​തോ​ന്നി​യി​ട്ടി​ല്ല".
-​ ​എ.​എം.​ ​ആ​രി​ഫ് ​എം.​പി