ചേർത്തല: വയലാറിൽ ആർ.എസ്.എസ് പ്രവർത്തകൻ നന്ദു കൃഷ്ണ കൊല്ലപ്പെട്ട കേസിൽ രണ്ടാം പ്രതി വയലാർ മുക്കത്ത് അർഷാദ് (24) അറസ്റ്റിൽ. കുത്തിയതോട് പി.എസ് കവലയിൽ നിന്നാണ് പൊലീസ് ഇയാളെ പിടികൂടിയത്. ഇതോടെ കേസിൽ അറസ്​റ്റിലായവരുടെ എണ്ണം 22 ആയി. 25 പേർ കൊലപാതകത്തിൽ ഉൾപ്പെട്ടിട്ടുണ്ടെന്നാണ് പൊലീസ് നൽകിയ റിപ്പോർട്ട്. ഫെബ്രുവരി 24 ന് രാത്രി വയലാർ നാഗംകുളങ്ങര കവലയിൽ എസ്.ഡി.പി.ഐ ആക്രമണത്തിലാണ് നന്ദു കൃഷ്ണ വെട്ടേ​റ്റ് മരിച്ചത്. ഒപ്പമുണ്ടായിരുന്ന കെ.എസ്.നന്ദുവിന് പരുക്കേ​റ്റിരുന്നു. ഡിവൈഎസ്.പി വിനോദ് പിള്ളയുടെ നേതൃത്വത്തിലാണ് കേസ് അന്വേഷിക്കുന്നത്.