മാവേലിക്കര: പരസഹായം ഇല്ലാതെ ചലിക്കാൻ കഴിയാത്ത സഹോദരങ്ങൾ തളരാത്ത മനസുമായി ഇത്തവണയും വോട്ട് ചെയ്യാനെത്തി. മസ്‌ക്യൂലർ ഡിസ്ട്രോഫ്യ എന്ന അസുഖം ബാധി​ച്ച ചെട്ടികുളങ്ങര ഈരേഴ വടക്ക് വിനീഷ് ഭവനത്തിലെ വിനീഷ് വി.ഗോപാലും വിനീത വി.ഗോപാലുമാണ് ഇത്തവണയും വോട്ട് രേഖപ്പെടുത്തിയത്. കഴിഞ്ഞ തിരഞ്ഞെടുപ്പുകളിലും ഇവർ വോട്ട് ചെയ്തി​രുന്നു. വീൽചെയറിൽ എത്തിയ ഇരുവരെയും എടുത്താണ് വോട്ടെടുപ്പ് കേന്ദ്രത്തിലേക്ക് എത്തിച്ചത്. കണ്ണമംഗലം ഗവ. യു.പി.എസിലാണ് ഇരുവരും വോട്ട്‌ രേഖപ്പെടുത്തിയത്.