ചേർത്തല: ചേർത്തല തെക്ക് കുറുപ്പംകുളങ്ങരയിൽ വീട്ടിൽ ഇരിക്കുകയായിരുന്ന ആളിനടക്കം മൂന്നു പേർക്ക് തെരുവ് നായയുടെ കടിയേ​റ്റു. ചേർത്തല തെക്ക് പഞ്ചായത്ത് എട്ടാം വാർഡ് കുറുപ്പം കുളങ്ങര മ​റ്റവന പൂവത്തിൽ ഭൈമി (76), ചാണിത്തറ ഉണ്ണി (63), ബിനീഷ് (28) എന്നിവർക്കാണ് കടിയേ​റ്റത്. ഇന്നലെ സന്ധ്യയ്ക്കാണ് സംഭവം. ഉണ്ണിയെ ആണ് വീട്ടിൽ കയറി നായ കടിച്ചത്. രണ്ടു പേരെ ആലപ്പുഴ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. നായയെ പിടികൂടാൻ പ്രദേശവാസികൾ ശ്രമം തുടരുകയാണ്.