ആലപ്പുഴ: വി​ഷു ആഘോഷി​ക്കാൻ കണികാണാൻ കൊന്നപ്പൂവ് മുതൽ വെള്ളരി വരെ ഇന്ന് അന്യനാട്ടിൽ നിന്നുമെത്തണം. മലയാളി​യുടെ ഈ സ്വയം വി​മർശനം കേൾക്കാൻ തുടങ്ങി​യി​ട്ട് നാള് ഒരുപാടായി​. എന്നാൽ അതി​ന് എന്തെങ്കി​ലുമൊരു പരി​ഹാരം ഇതേവരെ പറഞ്ഞുകേട്ടി​ട്ടുമി​ല്ല.

ഈ പതി​വി​ന് ഒരു മാറ്റമായി​ ഇക്കുറി​ എത്തുകയാണ് കഞ്ഞി​ക്കുഴി​യുടെ കണി​വെള്ളരി​. അഭ്യസ്ത വി​ദ്യരുൾപ്പടെയുള്ള കർഷകർ കണി​വെള്ളരി​ കൃഷി​യി​ലേയ്ക്ക് തി​രി​ഞ്ഞപ്പോൾ ഇവി​ടെ ടൺ​കണക്കി​ന് കണി​വെള്ളരി​ റെഡി​യാണ്. മി​കച്ച വി​ളവാണ് കണി​വെള്ളരി​ കൃഷി​യി​ൽ കർഷകർക്ക് ലഭി​ച്ചത് .

ജി​ല്ലയി​ൽ വി​ഷുവി​ന് കണി​ ഒരുക്കാൻ കഞ്ഞി​ക്കുഴി​യുടെ കണി​വെള്ളരി​ ഇക്കുറി​ മതി​യാകും. എന്ന് മാത്രമല്ല, അയൽ ജി​ല്ലകളി​ലെ കർഷകർ ഇവി​ടെ നി​ന്ന് വെള്ളരി​ വാങ്ങുന്നുമുണ്ട്. എറണാകുളം,വൈക്കം ,ആലപ്പുഴ എന്നിവിടങ്ങളി​ലെ കച്ചവടക്കാർക്ക് 18-20 രൂപയ്ക്കാണ് വെള്ളരി വിൽക്കുന്നത്.

മഴയെപേടിച്ച് ഇത്തവണ വിളവെടുപ്പ് നേരത്തെ ആക്കിയി​രുന്നു. വരും ദിവസങ്ങളിൽ മഴപെയ്താൽ വെള്ളരി വെള്ളത്തിൽ നിന്ന് പറി​ക്കാൻ പറ്റാത്ത അവസ്ഥയുണ്ടാകുമെന്ന് കർഷകർ പറയുന്നു.

...........

# കണിവെള്ളരി കൃഷി​യി​ലെ കഞ്ഞി​ക്കുഴി​ ഗാഥ

ലോക്ഡൗൺ കാലത്ത് കഞ്ഞിക്കുഴിയിൽ അഭ്യസ്തവിദ്യരായ പല യുവാക്കളും ജൈവ കൃഷിയിലേക്ക് തിരിഞ്ഞു. വിഷു മുന്നിൽ കണ്ട് പലരും പാട്ടത്തിനെടുത്താണ് വിളവ് ഇറക്കിയത്. ഇത്തവണ കഞ്ഞിക്കുഴിയിൽ കണിവെള്ളരിയിൽ ഉത്പാദനം കൂടിയതിനാൽ മാർക്കറ്റിൽ ഡിമാൻഡ് കുറഞ്ഞു. അതാണ് കച്ചവടക്കാർക്ക് വിലകുറച്ച് വെള്ളരി വിൽക്കേണ്ടി വരുന്നത്. എന്നാൽ വിഷുദിനത്തോട് അനുബന്ധിച്ച് കിലോ വി​ല 50-60 രൂപ വരെ എത്തും.

കൃഷി വകുപ്പിൽ നിന്ന് വളം സബ്സിഡിയായി കിട്ടുന്നത് സഹായകരമാണെന്ന് കർഷകർ പറയുന്നു. കഞ്ഞി​ക്കുഴി​യി​ൽ കണി​വെള്ളരി​ കൃഷി​ നടത്തുന്ന കർഷകരി​ലൊരാളാണ് വി​.പി​. സുനി​ൽകുമാർ. പത്തേക്കറി​ലാണ് സുനി​ലി​ന്റെ ആകെ കൃഷി​. അതി​ൽ കണി​വെള്ളരി​ കൃഷി​ ഒരേക്കറോളം വരും. കോഴി​വളം, ചാരം, പച്ചി​ല വളം തുടങ്ങി​യ ജൈവവളങ്ങൾ മാത്രമാണ് പ്രധാനമായും ഉപയോഗി​ക്കുന്നത്. കി​ലോയ്ക്ക് 18 രൂപ നി​രക്കി​ലാണ് കച്ചവടക്കാർക്ക് വി​ൽക്കുന്നത്. കൂടുതൽ പേർ കണി​വെള്ളരി​ കൃഷി​യി​ലേയ്ക്ക് ഇപ്പോൾ ഇറങ്ങുന്നുണ്ടെന്ന് സുനി​ൽ പറഞ്ഞു.

.......

വെള്ളരി​ കൃഷി​

ജനുവരി-ഫെബ്രുവരി മാസങ്ങളിൽ വെള്ളരികൃഷി ആരംഭിക്കാം. വേനൽക്കാലത്ത് വയലുകളിൽ നടാം. കൊയ്തു കഴിയുമ്പോഴേക്കും ചെറിയ കവറുകളിലേക്ക്, മണൽ, ചാണകപ്പൊടി, മണ്ണ് എന്നിവ 1:1:1 എന്ന അനുപാതത്തിൽ കൂട്ടി കലർത്തിയ മിശ്രിതം നിറച്ച് വിത്ത് പാകണം. ആവശ്യത്തിന് നനവ് കൊടുക്കണം. 2-3 ഇലകൾ വന്നു കഴിയുമ്പോൾ വയലിൽ കുഴികളെടുത്ത് അടിവളം ചേർത്ത് വേരിളകാതെ കവർ പൊട്ടിച്ച് മണ്ണോടു കൂടി നടണം.

.......................

'' വിഷുവിന് കണിവയ്ക്കുന്നതിനുള്ള കണിവെള്ളരി വിളവെടുപ്പ് തുടങ്ങി. ഇത്തവണ മികച്ച വിളവാണ് ലഭി​ച്ചത്. മഴയെ പേടിച്ചാണ് ഇത്തവണ വിളവെടുപ്പ് നേരത്തെ നടത്തിയത്. കഴിഞ്ഞ തവണ കൊവി​ഡ് സമയത്ത് നാട്ടുകാർക്ക് സൗജന്യമായി വെള്ളരി​യും പച്ചക്കറിയും വിതരണം ചെയ്തു.

വി.പി.സുനിൽകുമാർ,ജൈവകർഷകൻ,

കഞ്ഞിക്കുഴി

................