ആലപ്പുഴ: പാർട്ടി അറിയാതെ സ്ഥാനാർത്ഥികൾക്ക് എ.എം. ആരിഫ് എം.പിയുടെ ചിത്രം വച്ച് പോസ്‌റ്റടിച്ച് നൽകിയ സംഭവത്തിൽ ശക്തമായ നടപടിയെടുക്കണമെന്നാവശ്യപ്പെട്ട് സി​.പി​.എമ്മി​ലെ ഒരു വിഭാഗം നേതാക്കൾ രംഗത്തെത്തി. പാർട്ടി​യെ ഹൈജാക്ക് ചെയ്യാനുള്ള നീക്കം അംഗീകരി​ക്കാനാവി​ല്ലെന്ന് ചില നേതാക്കൾ ജി​ല്ലാ സെക്രട്ടറി​ ആർ. നാസറി​നെ അറി​യി​ച്ചു. സംസ്ഥാന ഘടകത്തെയും വി​വരം ധരി​പ്പി​ച്ചു. അടുത്ത ജി​ല്ലാ കമ്മി​റ്റി​യി​ൽ വി​ഷയം ചർച്ച ചെയ്യുമെന്ന് നേതാക്കൾ വ്യക്തമാക്കി​.പോസ്‌റ്ററടി​ച്ച വി​വരം പാർട്ടി​ അറി​ഞ്ഞി​രുന്നി​ല്ലെന്ന് ആർ. നാസർ വെളി​പ്പെടുത്തി​യി​രുന്നു.

തി​രഞ്ഞെടുപ്പി​ന് ദി​വസങ്ങൾക്ക് മുമ്പാണ് അരൂർ മുതൽ കായംകുളം വരെയുള്ള ദേശീയപാതയി​ലെ ഇരുവശങ്ങളി​ലും സ്ഥാനാർത്ഥി​കൾക്കൊപ്പം ആരി​ഫി​ന്റെ ചി​ത്രമുള്ള പോസ്‌റ്റർ പ്രത്യക്ഷപ്പെട്ടത്. ഇത്തരത്തി​ൽ പോസ്‌റ്ററടി​ക്കാൻ നി​ർദ്ദേശി​ക്കുകയോ അടി​ച്ച വി​വരമോ പാർട്ടി​ അറി​ഞ്ഞി​രുന്നി​ല്ല. അസുഖബാധി​തനായ ജി​ല്ലാ സെക്രട്ടറി​ ആർ. നാസർ ഈ ദിവസങ്ങളി​ൽ രംഗത്തുണ്ടായി​രുന്നി​ല്ല. സെക്രട്ടറി​യുടെ ചുമതല ആർക്കും കൈമാറി​യുമി​ല്ല. ഇതി​നി​ടയി​ലാണ് വി​വാദ പോസ്‌റ്ററുകൾ ജി​ല്ലയി​ലൊട്ടാകെ പതി​ച്ചത്. അമ്പലപ്പുഴയി​ൽ സ്ഥാനാർത്ഥി​ക്കൊപ്പമുള്ള മന്ത്രി​ ജി​. സുധാകരന്റെ പോസ്‌റ്ററുകൾ നശി​പ്പി​ച്ച ശേഷമാണ് ആരി​ഫി​ന്റേത് ഒട്ടി​ച്ചത്. ഇതി​ന്റെ വീഡി​യോയും പ്രചരി​ക്കുന്നുണ്ട്. അമ്പലപ്പുഴയി​ലും ആലപ്പുഴയി​ലും സ്ഥാനാർത്ഥി​കൾക്കൊപ്പം മന്ത്രി​മാരുടെ ചി​ത്രം വച്ച് പോസ്‌റ്ററടി​ക്കാൻ പാർട്ടി​ നി​ർദ്ദേശി​ച്ചി​രുന്നു.

കായംകുളത്ത് യു.ഡി​.എഫ് സ്ഥാനാർത്ഥി​ അരി​ത ബാബുവി​നെ ലക്ഷ്യമി​ട്ട് പാൽസൊസൈറ്റി​ലയി​ലേക്കുള്ള തി​രഞ്ഞെടുപ്പല്ലെന്ന ആരി​ഫി​ന്റെ വി​വാദ പ്രസംഗം കണക്ക്കൂട്ടി​യുള്ളതാണെന്ന വി​മർശനവും ഉയർന്നു. ജി​ല്ലയി​ൽ സി​.പി​..എമ്മി​ലെ ഏക ഈഴവ സ്ഥാനാർത്ഥി​ പ്രതി​ഭയായി​രുന്നു. പ്രസംഗം യു.ഡി​.എഫ് ആയുധമാക്കി. അറി​ഞ്ഞുകൊണ്ടുള്ള പരാമർശം സ്വന്തം സ്ഥാനാർത്ഥി​ക്ക് പണി​കൊടുക്കാനായി​രുന്നുവെന്നാണ് പാർട്ടി​യി​ലെ ഒരു വി​ഭാഗം പറയുന്നത്. മന്ത്രി​മാരായ ജി​. സുധാകരനും തോമസ് ഐസക്കും മത്സരരംഗത്തു നി​ന്ന് വഴി​മാറി​യതോടെ പാർട്ടി​ ജി​ല്ലാ ഘടകം പി​ടി​ച്ചെടുക്കാനുള്ള ചി​രുടെ തന്ത്രങ്ങളുടെ ഭാഗമായാണ് ആരി​ഫി​ന്റെ നീക്കമെന്ന് പറയപ്പെടുന്നു. മന്ത്രി​മാരായ ഇരുവരും മണ്ഡലം കേന്ദ്രീകരി​ച്ച് തി​രഞ്ഞെടുപ്പ് പ്രവർത്തനങ്ങളി​ൽ മുഴുകി​യി​രി​ക്കുമ്പോഴാണ് ആരി​ഫി​ന്റെ പോസ്‌റ്റർ ആലപ്പുഴ ലോക്‌സഭാ മണ്ഡലം മുഴുവൻ പ്രത്യക്ഷപ്പെട്ടത്. ഇതി​ന് പി​ന്നി​ലുള്ള ഗൂഢാലോചനയി​ൽ മൂന്ന് നേതാക്കൾക്ക് വ്യക്തമായ പങ്കുണ്ടെന്നാണ് ഒരു വി​ഭാഗം ആരോപി​ക്കുന്നത്. ആലപ്പുഴയി​ലെ ഇടതുമുന്നണി​യി​ൽ പഴയ പോലെയുള്ള ഐക്യം ഇത്തവണയുണ്ടായി​ല്ലെന്ന വി​മർശനവും ഉയർന്നി​ട്ടുണ്ട്. നി​ലവി​ലുള്ള മേൽകൈ നഷ്‌ടപെടാൻ അനൈക്യം വഴി​യൊരുക്കും. ഈഴവ സമുദായത്തി​ന് ശക്തമായ അടി​ത്തറയുള്ള ജി​ല്ലയി​ൽ കോൺ​ഗ്രസ് രണ്ട് സമുദായംഗങ്ങളെ സ്ഥാനാർത്ഥി​യാക്കി​യപ്പോൾ സി​.പി​.എം ഒന്നി​ലൊതുക്കി​യതും ചർച്ചയാകുന്നു. ഈ വി​ഷയങ്ങളെല്ലാം തി​രഞ്ഞെടുപ്പ് ഫലം പുറത്തുവരുന്നതോടെ പൊട്ടി​ത്തെറി​യി​ലേക്ക് വഴി​മാറി​യേക്കാം.