ചെങ്ങന്നൂർ: എസ്.എൻ.ഡി.പി യോഗം ചെങ്ങന്നൂർ യൂണിയനിലെ 1546ാം നമ്പർ ആല വടക്ക് ശാഖയ്ക്ക് പുതിയതായി നിർമ്മിച്ച ഓഫീസ് കെട്ടിടത്തിന്റെ ഉദ്ഘാടനം യൂണിയൻ കൺവീനർ അനിൽ പി.ശ്രീരംഗം നിർവഹിച്ചു. ശാഖാ പ്രസിഡന്റ് സുനു ചൈതന്യം അദ്ധ്യക്ഷത വഹിച്ചു. ശാഖാ സെക്രട്ടറി ബാലകൃഷ്ണൻ കിഴക്കേക്കര സ്വാഗതവും ശാഖാ വൈസ് പ്രസിഡന്റ് പ്രസാദ് ഇടത്തുരുത്തിയിൽ നന്ദിയും പറഞ്ഞു. ശാഖാ വക ഗുരുക്ഷേത്രത്തിലെ ശ്രീനാരായണ ഗുരുദേവ പ്രതിഷ്ഠയുടെ 11ാംമത് വാർഷിക ആഘോഷങ്ങളുടെ ഭാഗമായിട്ടായി​രുന്നു ഓഫീസ് ഉദ്ഘാടനം. ഡോ.റജിരവി ഓച്ചിറ ഗുരുപ്രഭാഷണം നടത്തി.