ഹരിപ്പാട്: വേനൽ മഴയിൽ ഹരിപ്പാട് വി​ഷുക്കണി​യായെത്തി​യ കണ്ണൻ ഏവർക്കും കൗതുകമായി​.

വിഷു സ്പെഷ്യലായി ഒരുങ്ങുന്ന വെബ് സീരീസിന്റെ ഭാഗമായി​ വിഷ്ണു വി. ഗോപാലാണ് കൃഷ്ണ വേഷത്തിൽ എത്തിയത്. വിഷ്ണു വി ഗോപാൽ തന്നെ സംവിധാനം ചെയ്യുന്ന ഒരു പെറ്റി കഥ എന്ന വെബ് സീരീസിന്റെ നാലാം ഭാഗമാണ് വിഷു സെപെഷ്യലായി റീലീസിന് ഒരുങ്ങുന്നത്. തമാശയ്ക്ക് ഏറെ പ്രാധാന്യം നൽകുന്ന സീരി​സ് കേരളത്തിലും ബാംഗ്ളൂരിലുമായാണ് ചിത്രീകരണം പൂർത്തിയാക്കിയത്.

ഒരു പെറ്റി കിട്ടിയ കഥയിൽ നിന്നും തുടങ്ങി നാലാം ഭാഗം വരെ എത്തി നിൽക്കുന്ന മികച്ച തിരക്കഥയുള്ള ഒരു വെബ്സീരീസാണ് ഒരു പെറ്റി കഥ. കഥയ്ക്കും കഥാപാത്രത്തിനും ഏറെ പ്രാധാന്യം നൽകുന്നതാണ് വെബ് സീരി​സ്.

വിജയ് ബാബു കേന്ദ്ര കഥ പാത്രമായ ലഹരി മുക്ത ഹ്രസ്വചിത്രമായ നിങ്ങളിൽ ഒരാളാണ് വിഷ്ണു വി ഗോപാൽ അവസാനമായി സംവിധാനം ചെയ്തത്. ഒരു എലിപത്തായം, സെൽഫി, പീലി, അനുഗമനം, ഒരു വാലൻറയിൻ ട്രിപ്പ്‌ എന്നിവയാണ് മറ്റു ഹ്രസ്വ ചിത്രങ്ങൾ.