ആലപ്പുഴ: ലോകമേ തറവാട് കലാപ്രദർശന വേദിയിലേക്കുള്ള പ്രവേശനം അഞ്ചു നിറങ്ങളിലുള്ള ടോക്കണുകളിലൂടെ ആയിരിക്കുമെന്ന് അധികൃതർ അറിയിച്ചു. ഒരു ദിവസം 75 ടോക്കണുകളാണ് ഒരു വേദിയിലേക്ക് നൽകുന്നത്.

രാവിലെ 10 മുതൽ വൈകിട്ട് 7 വരെ ആണ് പ്രദർശന സമയം. കൊവിഡ് നിബന്ധനകളുടെ അടിസ്ഥാനത്തിൽ ആയിരിക്കും പ്രവേശനം. പത്തു വയസിനു താഴെയുള്ള കുട്ടികളെയും 60 വയസിനു മുകളിലുള്ളവരെയും പ്രവേശിപ്പിക്കില്ല. രണ്ടര മാസം നീണ്ടു നിൽക്കുന്ന പ്രദർശനം ആലപ്പുഴയിലെ തിരഞ്ഞെടുക്കപ്പെട്ട അഞ്ച് വേദികളിലാണ് നടക്കുന്നത്. കേരള സ്റ്റേറ്റ് കയർ കോർപറേഷൻ, ന്യൂ മോഡൽ സൊസൈറ്റി ബിൽഡിംഗ്, പോർട്ട് മ്യൂസിയം, ഈസ്റ്റേൺ പ്രൊഡ്യൂസ് കമ്പനി ലിമിറ്റഡ്, വില്യം ഗുഡേക്കർ ആൻഡ് സൺസ് പ്രൈവറ്റ് ലിമിറ്റഡ് എന്നിവയാണ് വേദികൾ. എറണാകുളം ദർബാർ ഹാളും ഒരു വേദിയാണ്.