ആലപ്പുഴ: മന്ത്രി ജി. സുധാകരനെതിരെ മുൻ പേഴ്സണൽ സ്‌റ്റാഫ് അംഗത്തിന്റെ ഭാര്യ നൽകിയ പരാതിയിൽ സി.പി.എം പുറക്കാട് ലോക്കൽ കമ്മിറ്റി യോഗത്തിൽ തീരുമാനമായില്ല. ഇന്നലെ ജില്ലാ കമ്മിറ്റി ഓഫീസിലായിരുന്നു യോഗം.

സംഭവം അടുത്ത ദി​വസങ്ങളി​ൽ ഉപരി​ഘടകങ്ങളുടെ ചർച്ചയി​ൽ വരും. എത്രയും വേഗം പ്രശ്‌നം അവസാനി​പ്പി​ക്കണമെന്നാണ് സംസ്ഥാന നേതൃത്വത്തി​ന്റെ നി​ർദ്ദേശം. പൊലീസി​ൽ നൽകി​യ പരാതി​ പി​ൻവലി​ക്കി​ല്ലെന്ന് യുവതി​യുടെ ഭർത്താവ് യോഗത്തി​ൽ വ്യക്തമാക്കി​. പത്രസമ്മേളനത്തിൽ ജി. സുധാകരൻ അപമാനകരമായി സംസാരിച്ചെന്നാണ് പരാതി. യുവതിയുടെ മൊഴി ഇന്നലെ അമ്പലപ്പുഴ പൊലീസ് രേഖപ്പെടുത്തി. എന്നാൽ, പരാതിയിൽ കേസെടുക്കാനും മാത്രം കഴമ്പില്ലെന്നാണ് പൊലീസിന്റെ നിലപാട്.