ചേർത്തല : വൈവിദ്ധ്യ കൃഷിയിലൂടെ ശ്രദ്ധ പിടിച്ചു പ​റ്റിയ കഞ്ഞിക്കുഴിയിലെ യുവകർഷകൻ സുജിത്ത് അരയേക്കർ സ്ഥലത്ത് ആരംഭിക്കുന്ന മുന്തിരി കൃഷിയുടെ തൈനടീൽ ജില്ലാപഞ്ചായത്ത് പ്രസിഡന്റ് കെ.ജി.രാജേശ്വരി നിർവഹിച്ചു.
ഗ്രാമപഞ്ചയത്ത് പ്രസിഡന്റ് ഗീതാ കാർത്തികേയൻ,വൈസ് പ്രസിഡന്റ് അഡ്വ.എം. സന്തോഷ്‌കുമാർ , പഞ്ചായത്തംഗം ബി.ഇന്ദിര, എൻ.ടി.സുരേഷ് എന്നിവർ പങ്കെടുത്തു. പരീക്ഷണാടിസ്ഥാനത്തിൽ വാണിജ്യകൃഷിയായാണ് മുന്തിരി വള്ളികൾ നട്ടത്. കോഴിവളവും ചാണകവുമാണ് അടിവളം. ബംഗളൂരുവിൽ നിന്നാണ് മുന്തിരി തൈകൾ എത്തിച്ചത്. നേരത്തേ സൂര്യകാന്തി കൃഷി ചെയ്ത് സുജിത്ത് ശ്രദ്ധ നേടിയിരുന്നു.