ആലപ്പുഴ: കൊവിഡ് വ്യാപനത്തിന്റെ പശ്ചാത്തലത്തിൽ, ജില്ലയിലെ എല്ലാ വേനൽ ക്യാമ്പുകളും ടർഫുകൾ, കളിസ്ഥലങ്ങൾ, മൈതാനങ്ങൾ എന്നിവയിൽ നടക്കുന്ന മത്സരങ്ങളും നിരോധിച്ചു. മറ്റു സംസ്ഥാനങ്ങളിൽനിന്നും വിദേശരാജ്യങ്ങളിൽനിന്നും ജില്ലയിലെ ഹൗസ്‌ബോട്ട് ടെർമിനലുകളിൽ എത്തുന്ന വിനോദസഞ്ചാരികൾ 48 മണിക്കൂറിനകം എടുത്ത ആർ.ടി.പി.സി.ആർ നെഗറ്റീവ് സർട്ടിഫിക്കറ്റ് ഹാജരാക്കിയാലേ പ്രവേശനം അനുവദിക്കൂ. പരിശോധനയ്ക്ക് ക്രമീകരണം ഏർപ്പെടുത്തുന്നതിന് ടൂറിസം ഡെപ്യൂട്ടി ഡയറക്ടറെ ചുമതലപ്പെടുത്തി. കൊവിഡ് വ്യാപനം കൂടുതലായി റിപ്പോർട്ട് ചെയ്ത പാണ്ടനാട്, നൂറനാട്, തണ്ണീർമുക്കം ഗ്രാമപഞ്ചായത്തുകളിൽ അഞ്ചു പേരിലധികം കൂട്ടം കൂടുന്നത് നിരോധിച്ചു.