വിപണി കണ്ടെത്താനാകാതെ കർഷകർ

ചേർത്തല: കടുത്ത വേനലിലും കഞ്ഞിക്കുഴിയിലെ വെണ്ടപ്പാടങ്ങളിൽ കനത്ത വിളവ്. ഉത്പാദനം വർദ്ധിച്ചപ്പോൾ വിപണി കണ്ടെത്താനാകാതെ വിഷമിക്കുകയാണ് കർഷകർ.
എറണാകുളം നഗരത്തിൽ പഞ്ചായത്ത് നേരിട്ട് നടത്തിയ വിപണനത്തെ കൊവിഡ് നിയന്ത്റണങ്ങൾ ബാധിച്ചു. പ്രാദേശിക മാർക്ക​റ്റുകളിൽ ഉൾക്കൊള്ളാവുന്നതിലും കൂടുതലാണ് ഉത്പാദനം.
കഞ്ഞിക്കുഴിയിലെ സംസ്ഥാന കർഷക അവാർഡ് ജേതാവ് ശുഭകേശൻ രണ്ടേക്കർ പാടത്തു നടത്തിയ വെണ്ടകൃഷിയുടെ വിളവെടുപ്പ് കെ.കെ. കുമാരൻ പാലിയേ​റ്റീവ് ചെയർമാൻ എസ്.രാധാകൃഷ്ണൻ നിർവഹിച്ചു. ഗ്രാമപഞ്ചായത്ത് പ്രസിഡന്റ് ഗീതാ കാർത്തികേയൻ, എം.സന്തോഷ് കുമാർ,കെ. ദീപു , ഗീതാകുമാരി,ജി.മുരളി എന്നിവർ പങ്കെടുത്തു.