ആലപ്പുഴ: കൊവിഡ് രണ്ടാം തരംഗ വ്യാപനം കണക്കിലെടുത്ത് കേരളത്തിലെ ഭിന്നശേഷി ജീവനക്കാർക്ക് വർക്ക് ഫ്രം ഹോം പദ്ധതി നടപ്പിലാക്കണമെന്ന് ഡിഫറെന്റ്ലി എബിൽഡ് എംപ്ലോയീസ് അസോസിയേഷൻ സർക്കാരിനോട് ആവശ്യപ്പെട്ടു. കൊവിഡ് അനുബന്ധ ഡ്യൂട്ടിയിൽ നിന്ന് ഒഴിവാക്കുക, വാക്സിൻ വിതരണത്തിനായി ഭിന്നശേഷിക്കാർക്ക് വാർഡ് അടിസ്ഥാനത്തിൽ ക്യാമ്പുകൾ സംഘടിപ്പിക്കുക തുടങ്ങിയ ആവശ്യങ്ങൾ ഉന്നയിച്ച് മുഖ്യമന്ത്രിക്കും സാമൂഹ്യ നീതി വകുപ്പ് മന്ത്രിക്കും ചീഫ് സെക്രട്ടറിക്കും നിവേദനം നൽകിയതായി സംസ്ഥാന പ്രസിഡന്റ്‌ ടി.കെ.ബിജു അറിയിച്ചു.