ചേർത്തല: ജപ്പാൻ കുടിവെളള പദ്ധതിയുടെ പൈപ്പ് പൊട്ടിയതി​നെത്തുർടന്ന് ചേർത്തല നഗരസഭയിലും ആറ് പഞ്ചായത്തുകളിലും കുടിവെള്ള വിതരണം മുടങ്ങും. ചേർത്തല -അരൂക്കു​റ്റി റോഡിൽ ചെങ്ങണ്ട പാലത്തിന് സമീപം പ്രധാന വിതരണ പൈപ്പ് പൊട്ടിയതോടെയാണ് തെക്കൻ മേഖലയിലേക്കുള്ള കുടിവെള്ള വിതരണം മുടങ്ങിയത്. നഗരസഭ പ്രദേശം, പള്ളിപ്പുറം, തണ്ണീർമുക്കം, മുഹമ്മ, കഞ്ഞിക്കുഴി, ചേർത്തല തെക്ക്, മാരാരിക്കുളം വടക്ക് എന്നീ പഞ്ചായത്തുകളിലാണ് കുടിവെള്ള വിതരണം മുടങ്ങിയത്. അ​റ്റകു​റ്റപ്പണി ആരംഭിച്ചതായും 3 ദിവസത്തിനുള്ളിൽ ജലവിതരണം പുനരാരംഭിക്കാൻ കഴിയുമെന്നും ചേർത്തല ഹെഡ് വർക്സ് അസി. എക്‌സിക്യുട്ടീവ് എൻജിനീയർ അറിയിച്ചു.