ചാരുംമൂട് : ഇന്നലെ മാത്രം 163 പേർക്ക് കൊവി​ഡ് സ്ഥി​രീകരി​ച്ചതോടെ ചാരുംമൂട് പഞ്ചായത്ത് പ്രദേശങ്ങളിൽ കൊവിഡ് വ്യാപനം രൂക്ഷമായി​. പ്രതിദിന കൊവിഡ് ബാധിതരുടെ ഏറ്റവും ഉയർന്ന കണക്കാണിത്.

പാലമേൽ ഗ്രാമ പഞ്ചായത്തിൽ 59 പേർക്കും ചുനക്കരയിൽ 46 പേർക്കും നൂറനാട്ട് 36 പേർക്കും താമരക്കുളത്ത് 13 പേർക്കും വള്ളികുന്നത്ത് 9 പേർക്കുമാണ് രോഗം സ്ഥിരീകരിച്ചത്.

കഴിഞ്ഞ മൂന്ന് ദിവസങ്ങളിലും മേഖലയിൽ പ്രതിദിനം നൂറിന് മുകളിൽ ആളുകൾക്ക് കൊവിഡ് സ്ഥിരീകരിച്ചിരുന്നു.

കഴിഞ്ഞ ദിവസങ്ങളിൽ എല്ലായിടങ്ങളിലും കൂടുതൽ പേർക്ക് ആർ.ടി​. പി.സി.ആർ പരിശോധന നടന്നതിന്റെ പരിശോധനാ ഫലങ്ങളാണ് വന്നുകൊണ്ടിരിക്കുന്നതെന്ന് ആരോഗ്യ വകുപ്പ് ഉദ്യോഗസ്ഥർ പറഞ്ഞു.

എല്ലാ പഞ്ചായത്തുകളിലും ജാഗ്രതാ സമിതികൾ യോഗം ചേർന്ന് പ്രതിരോധ പ്രവർത്തനങ്ങൾക്ക് രൂപം കൊടുത്തിട്ടുണ്ട്. ആർ.ടി​.പി.സി.ആർ പരിശോധനയും നടന്നു വന്നു. നിലവിൽ ചുനക്കര പഞ്ചായത്തിലെ മൂന്നു വാർഡുകളിലാണ് കണ്ടൈൻമെന്റ് സോണുകളുള്ളത്.