ഹരിപ്പാട്: ദേശാഭിമാനി ടി.കെ മാധവന്റെ 91ാമത് ചരമ വാർഷികം നങ്ങ്യാർകുളങ്ങര ശ്രീനാരായണ ട്രസ്റ്റ് റീജിയണൽ ഡവലപ്പമെന്റ് കമ്മി​റ്റിയുടെയും എസ്.എൻ.ഡി.പി യോഗം ചേപ്പാട് യൂണിയന്റെയും സംയുക്താഭിമുഖ്യത്തിൽ ആചരിച്ചു. നങ്ങ്യാർകുളങ്ങര ടി.കെ.എം.എം കോളേജ് കാമ്പസിലെ ദേശാഭിമാനി ടി.കെ മാധവന്റെ വെങ്കല പ്രതിമയിൽ പുഷ്പാർച്ച നടത്തി​. തുടർന്ന് സമൂഹപ്രാർത്ഥനയും നടന്നു. ചടങ്ങുകൾക്ക് ആർ.ഡി.സി ചെയർമാൻ എസ്.സലികുമാർ, കൺവീനർ കെ.ആശോകപണിക്കർ, ചേപ്പാട് യൂണിയൻ സെക്രട്ടറി എൻ.അശോകൻ, യോഗം ഡയറക്ടർ എം.കെ ശ്രീനിവാസൻ, യൂണിയൻ കൗൺസിൽ അംഗങ്ങളായ രഘുനാഥ്, ബിജു കുമാർ, അഡ്വ.യു ചന്ദ്രബാബു തുടങ്ങിയവർ നേതൃത്വം നൽകി.