വൈക്കം : തലയാഴം പഞ്ചായത്തിൽ കൊവിഡ് രോഗികൾക്കായി തുടങ്ങുന്ന ഡോമിസിലറി കെയർ സെന്ററിലേക്ക് സത്യാഗ്രഹ സ്മാരക ആശ്രമം സ്‌കൂൾ എൽ.ഇ.ഡി ടിവി നൽകി. ഉല്ലല പി.എസ് ശ്രീനിവാസൻ മെമ്മോറിയൽ ഗവ.എൽ.പി സ്‌കൂൾ കെട്ടിടത്തിലാണ് ചികിത്സാകേന്ദ്രംതലയാഴം പഞ്ചായത്തിന്റെ നേതൃത്വത്തിൽ പൊതുജനങ്ങളുടെ സഹായത്തോടെയാണ് സെന്ററിന്റെ പ്രവർത്തനമെന്ന് പഞ്ചായത്ത് പ്രസിഡന്റ് കെ. ബിനിമോൻ പറഞ്ഞു.
ആശ്രമം സ്‌കൂളിൽ നടന്ന ചടങ്ങിൽ പ്രഥമാദ്ധ്യാപിക പി.ആർ ബിജി പഞ്ചായത്ത് പ്രസിഡന്റിന് ടി.വി കൈമാറി. പ്രിൻസിപ്പിൽമാരായ എ.ജ്യോതി, ഷാജി ടി കുരുവിള, പഞ്ചായത്ത് വൈസ് പ്രസിഡന്റ് സിനി സലി, വികസന കാര്യ സ്റ്റാന്റിംഗ് കമ്മറ്റി ചെയർമാൻ രമേഷ് പി ദാസ്, ആരോഗ്യ സ്റ്റാന്റിംഗ് കമ്മറ്റി ചെയർമാൻ ബി.എൽ സെബാസ്റ്റ്യൻ, ക്ഷേമകാര്യ സ്റ്റാൻന്റിംഗ് കമ്മറ്റി ചെയർപെഴ്സൺ ഷീജ ഹരിദാസ്, മെമ്പർമാരായ കെ.എസ് പ്രീജുമോൻ, എസ്.ദേവരാജൻ, ജെൽസി സോണി,കൊച്ചുറാണി, ഉദ്യോഗസ്ഥൻ അനീഷ് ചന്ദ്രൻ എന്നിവർ പങ്കെടുത്തു.