ആലപ്പുഴ : കൊവിഡ് ജാഗ്രത നിയന്ത്രണങ്ങൾ നിലവിലുണ്ടെങ്കിലും മഴക്കാലപൂർവ്വ ശുചീകരണ പ്രവർത്തനങ്ങൾ കൊവിഡ് പ്രോട്ടോക്കോൾ പാലിച്ച് നടത്തൻ അഡിഷണൽ ജില്ലാ മജിസ്ട്രേട്ട് അലക്‌സ് ജോസഫ് തദ്ദേശഭരണസമിതികൾക്ക് നിർദേശം നൽകി .
മഴക്കാലപൂർവ ശുചീകരണ പ്രവർത്തനങ്ങളുമായി ബന്ധപ്പെട്ട് തദ്ദേശ സ്വയംഭരണ സ്ഥാപനങ്ങളും വകുപ്പുകളും സ്വീകരിച്ച നടപടികൾ യോഗത്തിൽ അവലോകനം ചെയ്തു. വാർഡുതല സമിതികളുടെ നേതൃത്വത്തിൽ വീടുകളും സ്ഥാപനങ്ങളും പൊതുസ്ഥലങ്ങളും സന്ദർശിച്ച് കൊതുക് നശീകരണത്തിന്റെ ഭാഗമായുള്ള ഉറവിട നശീകരണ പ്രവർത്തനങ്ങൾ തുടങ്ങി. ജലാശയങ്ങൾ ക്ലോറിനേഷൻ നടത്തുന്നതിനും ആഴ്ചയിലൊരിക്കൽ ഡ്രൈഡേ ആചരിക്കൽ ഉൾപ്പെടെയുളള ആരോഗ്യ ജാഗ്രത പ്രവർത്തനങ്ങളും നടന്നുവരുന്നതായി യോഗം വിലയിരുത്തി. പഞ്ചായത്തുതലത്തിൽ 832 വാർഡുകളിൽ ആരോഗ്യ ജാഗ്രത പ്രവർത്തനങ്ങൾ നടന്നുവരുന്നതായും ബാക്കിയുള്ള സ്ഥലങ്ങളിൽ പ്രവർത്തനങ്ങൾ ആസൂത്രണം ചെയ്തുവരുന്നതായും പഞ്ചായത്ത് ഡെപ്യൂട്ടി ഡയറക്ടർ പറഞ്ഞു.