ന്യൂഡൽഹി: ലഹരിമരുന്നുമായി ബന്ധപ്പെട്ട കേസുകളിൽ പിടിച്ചെടുക്കുന്ന മയക്കുമരുന്നിന്റെ അളവിനനുസരിച്ചാകണം ശിക്ഷ നിശ്ചയിക്കേണ്ടതെന്ന് സുപ്രീംകോടതി ജസ്റ്റിസുമാരായ ഡി.വൈ. ചന്ദ്രചൂഢ്,​ എം.ആർ.ഷാ എന്നിവരുൾപ്പെട്ട ബെഞ്ച് നിരീക്ഷിച്ചു.

ഇത്തരം കേസുകളിൽ 10 മുതൽ 20 വർഷം വരെയാണ് ശിക്ഷ നൽകുന്നത്. പ്രതിയിൽ നിന്ന് പിടിച്ചെടുത്ത മയക്കുമരുന്നിന്റെ തൂക്കത്തിന്റെ

അടിസ്ഥാനത്തിലാകണം ശിക്ഷ വിധിക്കേണ്ടത്. ഉദാഹരണത്തിന് 1 കിലോ ഹെറോയിനുമായി പിടിച്ചാൽ 10 വർഷത്തിൽ കുറയാതെ ശിക്ഷ വിധിക്കാം. 20 വർഷം വരെ ശിക്ഷ ദീർഘിപ്പിക്കാം. 1 ലക്ഷം മുതൽ 2 ലക്ഷം വരെ പിഴയും ചുമത്താമെന്നും ഒരു മയക്കുമരുന്ന് കേസിന്റെ വാദം കേൾക്കവെ കോടതി നിരീക്ഷിച്ചു.