കോലഞ്ചേരി: യു.ഡി.എഫ് സ്ഥാനാർത്ഥി വി.പി. സജീന്ദ്രന്റെ തിരഞ്ഞെടുപ്പ് പ്രചരാണാർത്ഥം ഡിഫറെന്റലി ഏബിൾഡ് പീപ്പിൾസ് കോൺഗ്രസ് കുന്നത്തുനാട് നിയോജകമണ്ഡലം കമ്മിറ്റി മുച്ചക്ര സ്‌കൂട്ടർ റാലി നടത്തി. കെ.പി.സി.സി ജനറൽ സെക്രട്ടറി അബ്ദുൽ മുത്തലിബ് ഉദ്ഘാടനം ചെയ്തു. ഹനീഫ കുഴുപ്പിള്ളി അദ്ധ്യക്ഷനായി. സി.പി. ജോയ്, എം.ടി. ജോയ്, റഷീദ് താനത്ത്, എ.പി. കുഞ്ഞുമുഹമ്മദ്, മനോജ് കരേക്കാട്ട് തുടങ്ങിയവർ സംസാരിച്ചു. റാലി കോലഞ്ചേരിയിൽ സമാപിച്ചു.