എറണാകുളം പാലിയംറോഡ് നെന്മനശേരി ഇല്ലത്ത് പരമേശ്വരൻ മൂത്തതും കുടുംബവുമാണ് ചിത്രത്തിൽ. 105 വയസുകാരനായ പരമേശ്വരൻ മൂത്തത് അവിവാഹിതനാണ്. അദ്ദേഹത്തിന്റെ സഹോദര പുത്രൻ പി.എസ്.ഹരിദാസ് (66), ഭാര്യ സുജാത ഹരിദാസ് (56), ഹരി​ദാസി​ന്റെ ജ്യേഷ്ഠന്റെ മകൻ എൻ.വി​.ശ്രീജി​ത്ത് (49), ഭാര്യ നീത ശ്രീജി​ത്ത് (40) എന്നി​വരാണ് സമീപം

പരമേശ്വരൻ മൂത്തത് : വോട്ട് എന്റെ അവകാശമാണ്. ഒരു കാലത്തും ചെയ്യാതി​രുന്നി​ട്ടി​ല്ല.ആവതുള്ളിടത്തോളം ബൂത്തിൽ പോയി തന്നെ വോട്ട് ചെയ്യും.അതല്ലേ ഒരു ത്രിൽ.പോസ്റ്റൽ വോട്ടൊന്നും നമുക്ക് ശരിയാവില്ല.നാട്ടുകാരെയെല്ലാം കാണാൻ കിട്ടുന്ന ഒരു അവസരമല്ലേ...അതുകൊണ്ട് പോസ്റ്റൽ വോട്ടിനൊന്നും അപേക്ഷിച്ചില്ല.

പി.എസ്.ഹരിദാസ്- (ഇളംനീല ടീഷർട്ട് )- ആഹാ നാട്ടുകാരെ കാണാനാണോ ബൂത്തിൽ പോകുന്നത്. കോവിഡ് കാലമാണ്. ആരോടും സംസാരിക്കാനൊന്നും പാടില്ല. നേരെ പോയി വോട്ട് ചെയ്യുക, മടങ്ങി വരിക.അത്രയേയുള്ളു. രാഷ്ട്രീയക്കാർക്ക് ജനങ്ങളുടെ വില മനസിലാകുന്ന ദിവസമല്ലേ? അതുകൊണ്ട് ഞങ്ങൾ വോട്ട് പാഴാക്കാറില്ല.

സുജാത ഹരി​ദാസ്, (ഇളംനീല ബ്ളൗസ്) : അതെ,​ ഈ കോവിഡ് കാലത്ത് കരുതലോടെ വേണം വോട്ട് ചെയ്യാൻ.മാസ്ക് ധരിക്കണം.സാനിട്ടൈസർ കരുതണം.സാമൂഹിക അകലം പാലിക്കണം. രാവിലെ നേരത്തേ പോയി വോട്ട് ചെയ്യണം.ഇല്ലെങ്കിൽ പിന്നെ തിരക്കായാലോ? എന്തൊക്കെയാണെങ്കിലും വോട്ട് ചെയ്യാതിരിക്കില്ല.വോട്ട് ചെയ്യുന്നത് പൗരധർമ്മമാണ്.

നീത ശ്രീജി​ത്ത്, (ചുരി​ദാർ) : അതെ ജനാധി​പത്യത്തി​ൽ വി​ശ്വാസമുള്ളി​ടത്തോളം വോട്ടുചെയ്യും.ഇത്തവണ ബൂത്തുകളിൽ വലിയ തിരക്കൊന്നുമുണ്ടാകില്ല. എല്ലാ ജില്ലകളിലും അധികമായി ബൂത്ത് തുറന്നിട്ടുണ്ടല്ലോ. ഞാൻ ആർക്ക് വോട്ട് ചെയ്യണമെന്നൊക്കെ തീരുമാനിച്ച് കഴിഞ്ഞു. പക്ഷെ ആരോടും പറയില്ല. രഹസ്യമാണ്.

ശ്രീജി​ത്ത്, (കാവി​മുണ്ട് ): ആ.... അതൊന്നും പറയാൻ പാടില്ല. വോട്ട് ചെയ്യുന്നതൊക്കെ ഓരോരുത്തരുടെ അവകാശമാണ്.

പാർട്ടി​ നോക്കി​യല്ല എന്റെ വോട്ട് . സ്ഥാനാർത്ഥി​യുടെ വ്യക്തി​ഗുണം നോക്കിയാണ് ഞാൻ വോട്ട് ചെയ്യുന്നത്. ഇനി ഫലം കാത്ത് ഒരു മാസം ഇരിക്കണമല്ലോയെന്ന് ഓർക്കുമ്പോഴാ... ഒരു വിഷമം.