പറവൂർ: എൻ.ഡി.എ പറവൂർ നിയോജക മണ്ഡലം സ്ഥാനാർത്ഥി എ.ബി. ജയപ്രകാശ് പറവൂർ നഗരസഭ, വടക്കേക്കര, കോട്ടുവള്ളി, വരാപ്പുഴ പഞ്ചായത്തുകളിലെ കേന്ദ്രങ്ങളിലാണ് ഇന്നലെ സന്ദർശനം നടത്തി വോട്ട്യഭ്യർത്ഥി​ച്ചത്. അവസാനഘട്ട പരസ്യപ്രചാരണത്തിന്റെ ഭാഗമായി സ്ഥാനാർത്ഥിയോടൊപ്പം നേതാക്കളും പ്രവർത്തകരുമടങ്ങുന്ന സംഘവുമുണ്ടായി​രുന്നു. സമുദായ നേതാക്കളെയും പ്രമുഖ വ്യക്തികളെയും നേരിൽ കണ്ടു. കുടുംബയോഗങ്ങളിലും പ്രവർത്തകരുടെ യോഗങ്ങളിലും പങ്കെടുത്തു. നേരിൽ കാണാൻ സാധിക്കാത്തവരെ ഫോണിൽ വിളിച്ച് വോട്ട് അഭ്യർത്ഥിച്ചു. നേതാക്കളായ രഞ്ജിത്ത് എസ്. ഭദ്രൻ, എം.പി. ബിനു, അനിൽ ചെറവക്കാട്, സോമൻ ആലപ്പാട്ട് തുടങ്ങിയവർ ഒപ്പമുണ്ടായി​രുന്നു.