കൊച്ചി: ട്രോളന്മാരുടെ ശ്രദ്ധയ്ക്ക്, നിങ്ങളെ അന്വേഷിച്ച് ആരോഗ്യവകുപ്പ് ഇറങ്ങിയിട്ടുണ്ട്. ചികിത്സിക്കാനല്ല, ആസ്ഥാന ട്രോളൻ പട്ടം തരാനാണ് ! ലോകാരോഗ്യ ദിനത്തോടനുബന്ധിച്ച് ജില്ലാ മെഡിക്കൽ ഓഫീസും ദേശീയ ആരോഗ്യ മിഷനും സംയുക്തമായി സംഘടിപ്പിക്കുന്ന ട്രോൾ മത്സരത്തിൽ പങ്കെടുപ്പിക്കാനാണ് ആരോഗ്യ വകുപ്പ് ട്രോളന്മാരെ തേടുന്നത്. ബോധവത്കരണം ലക്ഷ്യമിട്ടുള്ള മത്സരത്തിൽ ഈ മാസം 30 വരെ ട്രോളാം. വിജയികളെ മേയ് 16 ന് പ്രഖ്യാപിക്കും.
വിഷയം
കൊവിഡ് പ്രതിരോധം,
കൊവിഡ് വാക്‌സിനേഷൻ
പകർച്ചവ്യാധി പ്രതിരോധം
ജീവിതശൈലി രോഗനിയന്ത്രണവും പ്രതിരോധവും
നല്ല ആരോഗ്യശീലങ്ങൾ
ട്രോളാനുള്ള വഴി
ജില്ലാ മെഡിക്കൽ ഓഫീസ് ഹെൽത്ത് എറണാകുളം എന്ന ഫേസ്ബുക്ക് പേജ് ആദ്യം ലൈക്കണം. ഇതാണ് ആദ്യ ടാസ്ക് ! തയ്യാറാക്കിയ ട്രോൾ ഫേസ്ബുക്കിൽ പോസ്റ്റ് ചെയ്ത് മുകളിൽ പറഞ്ഞ പേജിൽ ഷെയർ ചെയ്യാം. ഡി.എം.എ എച്ച് എറണാകുളം, ട്രോൾ ഫോ‌ർ ഹെൽത്ത് എന്നീ ഹാഷ്‌ ടാഗുകൾ മസ്റ്റാണ്. അല്ലേൽ സമ്മാനം കിട്ടില്ല.