പറവൂർ: എച്ച്.ഡി.എഫ്.സി ബാങ്ക് എംപ്ലോയീസ് യൂണിയൻ ദേശീയ സമ്മേളനം ഓൾ ഇന്ത്യ ബാങ്ക് എംപ്ലോയീസ് അസോസിയേഷൻ (എ.ഐ.ബി.ഇ.എ) ജോയിന്റ് സെക്രട്ടറി കെ.എസ്. കൃഷ്ണ ഉദ്ഘാടനം ചെയ്തു. ദേശീയ പ്രസിഡന്റ് എസ്.എസ്. പിള്ള അദ്ധ്യക്ഷത വഹിച്ചു. എച്ച്.ഡി.എഫ്.സി ബാങ്ക് റിട്ടയറീസ് അസോസിയേഷൻ ജനറൽ സെക്രട്ടറി ആർ. സരോജിനി ഭായ്, ഡെപ്യൂട്ടി സെക്രട്ടറി മാത്യു ജോർജ് എന്നിവർ മുഖ്യാതിഥിയായിരുന്നു. വൈസ് പ്രസിഡന്റ് എസ്.വൈ. ഷഹിൻ, കെ. മണികണ്ഠൻ, ആർ. സുരേഷ്കുമാർ, ആഷാറാണി, രാകേഷ് സിംഗ്, ജി. സുരേഷ് ബാബു, ഡി. സതീഷ്ചന്ദ് തുടങ്ങിയവർ സംസാരിച്ചു. അംഗങ്ങളുടെ മക്കളിൽ എസ്.എസ്.എൽ.സി, സി.ബി.എസ്.ഇ പരീക്ഷയിൽ ഉന്നതവിജയം നേടിയവർക്കുള്ള അവാർഡ് ബാലസാഹിത്യകാരൻ സിപ്പി പള്ളിപ്പുറം വിതരണം ചെയ്തു. വിരമിച്ച മുതിർന്ന ജീവനക്കാരെ ആദരിച്ചു. എംപ്ലോയീസ് വെൽഫെയർ സൊസൈറ്റി വാർഷികവും നടന്നു.