ആലുവ: ചൂർണ്ണിക്കര ഗ്രാമപഞ്ചായത്ത് ലൈബ്രറിയിൽ കിളികൾക്ക് മൺപാത്രത്തിൽ ദാഹജലം നൽകുന്ന പദ്ധതിക്ക് തുടക്കമായി. സ്റ്റാൻഡിംഗ് കമ്മറ്റി ചെയർമാൻ മുഹമ്മദ് ഷെഫീക്ക് ഉദ്ഘാടനം ചെയ്തു. ഇവിടെ 25 മൺപാത്രത്തിലാണ് വെള്ളം നിറച്ചു കിളികൾക്ക് കുടിക്കുന്നതിനായി സ്ഥാപിച്ചത്. കൂടാതെ കുട്ടികൾക്ക് വീടുകളിൽ കിളികൾക്ക് ദാഹജലം നൽകുന്നതിനായി മൺപാത്ര വിതരണവും നടത്തി. ശ്രീമൻ നാരായണൻ നടപ്പാക്കുന്ന കിളികൾക്ക് ദാഹജലം പദ്ധതിയിൽ നിന്നുമാണ് മൺപാത്രം ലഭിച്ചത്. കെ.കെ. രാജു, ലൈബ്രറേറിയൻ സുനിൽകുമാർ, സദാനന്ദൻ എന്നിവർ നേതൃത്വം നൽകി.