കുറുപ്പംപടി : മേയ്ക്കപ്പാല കണ്ണംപറമ്പ് പറമ്പിവീട്ടിൽ പി.ജി. തങ്കപ്പൻ (68) തെങ്ങുകയറുന്നതിനിടെ വൈദ്യുതാഘാതമേറ്റ് മരിച്ചു.

കുറുപ്പംപടി തീയേറ്റർപടിയിൽ മാലിക്കുടി വർഗീസിന്റെ പുരയിടത്തിലായിരുന്നു അപകടം. തെങ്ങിലെ ഓല വെട്ടുന്നതിനിടെ സമീപത്തെ 33 കെവി ലൈനിൽ തട്ടുകയായിരുന്നു. വൈദ്യുതാഘാതമേറ്റ് നിലത്തുവീണ് തൽക്ഷണം മരിച്ചു.

കുറുപ്പംപടി പൊലീസ് മൃതദേഹം പെരുമ്പാവൂർ താലൂക്ക് ആശുപത്രിയിലേക്ക് മാറ്റി. പോസ്റ്റുമോർട്ടത്തിനു ശേഷം ബന്ധുക്കൾക്ക് വിട്ടു നൽകും .

ഭാര്യ: ചന്ദ്രു. മക്കൾ: പ്രസന്ന, മഞ്ജു , മായ. മരുമക്കൾ: മധു, അനീഷ്.