കിഴക്കമ്പലം: കുന്നത്തുനാട്ടിലെ യൂത്ത് കോൺഗ്രസ് പ്രവർത്തകർക്കെതിരെ കള്ളകേസെടുത്തതിലും കുടിവെള്ളം നിഷേധിക്കുന്ന നീക്കത്തിലും പ്രതിഷേധിച്ച് യൂത്ത് കോൺഗ്രസ് നിയോജക മണ്ഡലം കമ്മി​റ്റിയുടെ നേതൃത്വത്തിൽ കുന്നത്തുനാട് പഞ്ചായത്ത് ഓഫീസിലേക്ക് പ്രതിഷേധ മാർച്ച് നടത്തി. വി.പി.സജീന്ദ്രൻ ഉദ്ഘാടനം ചെയ്തു. നിയോജക മണ്ഡലം പ്രസിഡന്റ് പി.എസ്. അനൂപ് അദ്ധ്യക്ഷനായി .കെ.കെ. മീതിയൻ, സി.പി.ജോയ്, എം.പി രാജൻ, ടി.എ. ഇബ്രാഹിം, എം.പി. മുഫ്സൽ എന്നിവർ സംസാരിച്ചു.