ആലുവ: കടുങ്ങല്ലൂർ ശ്രീനരസിംഹസ്വാമി ക്ഷേത്രോത്സവത്തിന് ഇന്ന് കൊടിയേറി 20ന് സമാപിക്കും. വൈകിട്ട് ദീപാരാധനക്ക് ശേഷം കൊടിയേറ്റിന് ക്ഷേത്രം തന്ത്രി ചേന്നാസ് നാരായണൻ നമ്പൂതിരി മുഖ്യകാർമ്മികത്വം വഹിക്കും.
രാത്രി ഒമ്പതിന് തിരുവാല്ലൂർ ശ്രീമഹാദേവന്റെ എഴുന്നള്ളത്തും, കൊടിപ്പുറത്ത് വിളക്കും നടക്കും. നാളെ പുലർച്ചെ മൂന്നിന് വിഷുക്കണി, നിർമ്മാല്യദർശനം, രാവിലെ 6.30ന് ഭജന, വൈകിട്ട് 6.30ന് ദീപാരാധന, രാത്രി ഒൻപതിന് വിഷുവിളക്ക് എന്നിവ നടക്കും. 19നാണ് പുന:പ്രതിഷ്ഠാദിനം വലിയവിളക്ക്, 20ന് രാവിലെ കൊടിയിറക്കം.10.30ന് ആറാട്ടുസദ്യ. വൈകിട്ട് നാലിന് ആറാട്ടിനെഴുന്നള്ളിപ്പ്. കലാപരിപാടികൾ ഒഴിവാക്കി.