കൊച്ചി: വെണ്ണല സർവ്വീസ് സഹകരണ ബാങ്കിന്റെ നേതൃത്വത്തിൽ'വിഷുവിന് ഒരു മുറം പച്ചക്കറി'ചന്ത ആരംഭിച്ചു. കണിവെള്ളരി,ചക്ക, മാങ്ങ,പയർ,വെണ്ട തുടങ്ങി എല്ലാത്തരം പച്ചക്കറികളും, കുടുംബശ്രീ അയൽക്കുട്ടങ്ങളുടെ പൊടികൾ, കറിപ്പൊടികൾ, പലഹാരങ്ങൾ എന്നിവയുടെ പ്രത്യേകസ്റ്റാളും ഒരുക്കിയിട്ടുണ്ട്. പച്ചക്കറി ചന്തയുടെ ഉദ്ഘാടനം ബാങ്ക് പ്രസിഡന്റ് അഡ്വ.എ.എൻ. സന്തോഷ് നിർവഹിച്ചു. ഭരണ സമിതിഅംഗങ്ങളായ എസ്. മോഹൻദാസ്, കെ.ജി. സുരേന്ദ്രൻ സെക്രട്ടറി എം.എൻ. ലാജി, ടി.സി. മായ, വി.ആർ. സത്യൻ എന്നിവർ സംസാരിച്ചു.