കൊച്ചി : കൊവിഡ് വ്യാപനം രൂക്ഷമാകുന്ന സാഹചര്യത്തിൽ വീട്ടിലിരുന്ന് ഡോക്ടറെ കാണാൻ കഴിയുന്ന ടെലി മെഡിസിൻ കൺസൾട്ടേഷൻ ഇ-സഞ്ജീവനി പദ്ധതി ജില്ലയിൽ കൂടുതൽ ശക്തിപ്പെടുത്തി. സാധാരണ ഒ.പിക്ക് പുറമേ എല്ലാ ദിവസവും സ്‌പെഷ്യാലിറ്റി ഡോക്ടർമാരുടെ സേവനവും ലഭ്യമാണ്.

 വീഡിയോ കോളിലൂടെ ചികിത്സ

ഇ-സഞ്ജീവനിയിൽ ചികിത്സ പൂർണമായും സൗജന്യമാണ്. നിർദ്ദേശിക്കുന്ന സമയത്ത് വീഡിയോ കോളിലൂടെ ഡോക്ടറെ കണ്ട് രോഗ വിവരങ്ങൾ അറിയിക്കാം. ജനറൽ, ജീവിതശൈലി രോഗങ്ങൾ, മാനസികാരോഗ്യ ക്ലിനിക്കുകൾ, ഡെർമറ്റോളജി, കാൻസർ, കൗമാര ക്ലിനിക്കുകൾ, ഡി. ഇ. ഐ .സി സേവനങ്ങൾ, നവജാതശിശു വിഭാഗം ഒ.പി , കൊവിഡാനന്തര ചികിത്സ എന്നിവയും ലഭ്യമാകും. കുറിപ്പടിയും നൽകും. ഇത് പ്രിന്റെടുത്ത് തൊട്ടടുത്ത സർക്കാർ ആശുപത്രിയിൽ കാണിച്ചാൽ മരുന്നുകളും പരിശോധനകളും സൗജന്യമാണ്.

ആക്ടീവായ മൊബൈൽ നമ്പർ ഉപയോഗിച്ചു രജിസ്റ്റർ ചെയ്യുക. ഒ.ടി.പി നമ്പർ ഉപയോഗിച്ച് ലോഗിൻ ചെയ്ത ശേഷം പേഷ്യന്റ് ക്യൂവിൽ പ്രവേശിക്കാം.

 ദിവസവും രാവിലെ 8 മുതൽ രാത്രി 8 വരെ ജനറൽ ഒ.പി

 ഓൺലൈനിൽ ബുക്ക് ചെയ്യാം

 ലിങ്ക് : https://esanjeevaniopd.in

 ആപ്പ് : https://play.google.com/stor/apps/details?id=in.hied.esanjeevaniopd&hl=en_US

 സംശയങ്ങൾക്ക് ദിശ 1056 നമ്പറിൽ വിളിക്കാം.