നെടുമ്പാശേരി: കൊച്ചി അന്താരാഷ്ട്ര വിമാനത്താവളം വഴി അനധികൃതമായി കടത്താൻ ശ്രമിച്ച 35 ലക്ഷം വിലവരുന്ന അനധികൃത സ്വർണം പിടികൂടി. 921 ഗ്രാം സ്വർണമാണ് മലപ്പുറം സ്വദേശിയായ യാത്രക്കാരനിൽ നിന്നും എയർ കസ്റ്റംസ് ഇന്റലിജൻസ് വിഭാഗം പിടികൂടിയത്. ദുബായിൽ നിന്നും ഇൻഡിഗോ വിമാനത്തിലാണ് മലപ്പുറം സ്വദേശിയായ യാത്രക്കാരൻ സ്വർണവുമായി കൊച്ചിയിലെത്തിയത്. ശരീരത്തിന്റെ പല ഭാഗത്തായി ഒളിപ്പിച്ചിരിക്കുകയായിരുന്നു സ്വർണം.