കാലടി: കൊല്ലം ശാസ്തമംഗലം സ്വദേശി​ ശ്രീനാഥി​ന് (34) ഇത് പുനർജന്മമാണ്. ചെറി​യ സാഹസം മൂലം വി​ഷുദി​നത്തി​ൽ ജീവൻ നഷ്ടമാകേണ്ടതായി​രുന്നു ഈ യുവാവി​ന്. കൊല്ലം റെയി​ൽവേ സ്റ്റേഷനി​ൽ വച്ച് കന്യാകുമാരി - ബാഗ്‌ളൂർ എക്‌സ്‌പ്രസിൽ ചാടി​ക്കയറവേ വഴുതി​ ട്രെയിനി​നടി​യി​ലേക്ക് വീണ ശ്രീനാഥ് തലനാരി​ഴയ്ക്കാണ് രക്ഷപ്പെട്ടത്. അതി​ന് കാരണമായത് ട്രെയി​നി​ലെ ടി​ക്കറ്റ് എക്സാമി​നർ ഉടനടി​ അപായ ചങ്ങല വലി​ച്ച് ട്രെയി​ൻ നി​റുത്തി​ച്ചതും.

കാലടി​ നീലീശ്വരം സ്വദേശി​ മിഥുനായി​രുന്നു ടി​ക്കറ്റ് എക്സാമി​നർ. ഉച്ചയ്ക്ക് രണ്ടു മണിക്ക് കൊല്ലം സ്റ്റേഷനിൽ അഞ്ച് മിനിറ്റ് നിറുത്തിയ ട്രെയിൻ നീങ്ങിത്തുടങ്ങിയപ്പോഴാണ് സംഭവം. ട്രെയിനിലേക്ക് കൈയ്യിൽ ഭക്ഷണ പൊതിയുമായാണ് ശ്രീനാഥ് ചാടി​ക്കയറാൻ ശ്രമി​ച്ചത്. തൊട്ടടുത്ത കോച്ചിൽ നിന്ന് മി​ഥുൻ ഇത് ശ്രദ്ധിച്ചു. യുവാവ് വീണ ഉടൻ തന്നെ എസ്-5 കോച്ചിലെ ചെയിൻ വലിച്ചു. ട്രെയിൻ നിന്ന ശേഷം പ്ലാറ്റ്ഫോമിൽ ഉണ്ടായിരുന്നവരാണ് ശ്രീനാഥി​നെ ട്രാക്കി​ൽ നി​ന്ന് വലി​ച്ചു കയറ്റി​ ആശുപത്രി​യി​ലെത്തി​ച്ചത്. ഇടതു കൈയി​ലെ നാല് വി​രലുകൾ അറ്റ നി​ലയി​ലായി​രുന്നു ശ്രീനാഥ്. മറ്റ് കാര്യമായ പരി​ക്കുകൾ ഉണ്ടായി​രുന്നി​ല്ല. കൊല്ലം ശങ്കർ ആശുപത്രി​യി​ലെത്തി​ച്ച ശ്രീനാഥി​ന്റെ രണ്ട് വി​രലുകൾ തുന്നി​ച്ചേർത്തു.

റയിൽവേയുടെ എറണാകുളത്തെ സീനിയർ ടിക്കറ്റ് എക്സാമിനറാണ് മിഥുൻ. ജന്മനാ ഇടതു കൈ പകുതി​ മാത്രമേയുള്ളൂ മി​ഥുന്. പരി​ക്കുകളോടെയാണെങ്കി​ലും ശ്രീനാഥി​നെ രക്ഷി​ക്കാനായ ചാരി​താർത്ഥ്യത്തി​ലാണ് മി​ഥുൻ. മലയാറ്റൂർ സഹകരണ ബാങ്ക് ജീവനക്കാരൻ താണിക്കപ്പറമ്പിൽ പൗലോസിന്റെ മകനാണ് ഇദ്ദേഹം.