കാഞ്ഞാർ: മോഷണം ഉൾപ്പെടെ നിരവധി കേസുകളിൽ പ്രതികളായ നാലു പേരെ കാഞ്ഞാർ പൊലീസ് പടികൂടി. കുളമാവ് പോത്തുമറ്റം ചെറുകരപ്പറമ്പിൽ ബെല്ലാരി രാജൻ (38), കോതമംഗലം നെല്ലിക്കുഴി പാറയിൽ അൻസിൽ (28), എറണാകുളം മംഗലത്ത് നാട് വാരിക്കാട്ടിൽ പങ്കൻ ഷിജു (38), കോതമംഗലം മലയിൻകീഴ് വേലന്മാവ് കുടിയിൽ ശ്യാമോൻ (33) എന്നിവരെയാണ് വെള്ളിയാഴ്‌ച്ച രാത്രി 1.45 ന് പട്രോളിംഗിനിടെ പിടികൂടിയത്. അറക്കുളം കാവുംപടിയിൽ സംശയകരമായി കണ്ടെത്തിയ കാർ തടഞ്ഞ് കസ്റ്റഡിയിൽ എടുക്കുകയായിരുന്നു. 12 ഇഞ്ച് നീളമുള്ള കത്തിയും ഇവരിൽ നിന്ന് കണ്ടെടുത്തു. കോടതിയിൽ ഹാജരാക്കി റിമാൻ്റ് ചെയ്തു.

ബെല്ലാരി രാജൻ രണ്ടാഴ്ച മുമ്പ് മൂലമറ്റം കെ.എസ്.ഇ.ബി കോളനിയിൽ നിന്ന് ടെലഫോൺ കേബിൾ മോഷ്ടിച്ച കേസിൽ പ്രതിയാണ്. കുളമാവ് പൊലീസ് സ്റ്റേഷനിൽ നിരവധി കേസുകളിലും പ്രതിയാണ് ഇയാൾ. മറ്റുള്ളവർ കുന്നത്തുനാട് കുറുപ്പുംപടി, കാലടി,കോതമംഗലം,ചങ്ങനാശേരി എന്നിവിടങ്ങളിലും നിരവധി കേസുകളിൽ പ്രതിയാണ്. എസ്.ഐ.കെ.പി. ഇസ്മായിൽ,സിവിൽ പൊലീസ് ഓഫീസർ ജോയി, ഡ്രൈവർ മുജീബ് എന്നിവർ ചേർന്നാണ് പ്രതികളെ പിടികൂടിയത്.