കൊച്ചി: ദേശീയ തലത്തിൽ മെഡിക്കൽ പി.ജി വിദ്യാർത്ഥികൾക്കായി ടോറന്റ് ഫാർമ സംഘടിപ്പിക്കുന്ന ക്വിസ് മത്സരത്തിൽ തിരുവനന്തപുരം മെഡിക്കൽ കോളേജിലെ ബിരുദാനന്തര ബിരുദ വിദ്യാർത്ഥിക്ക് ഒന്നാം സ്ഥാനം. നെഫ്രോളജി വിഭാഗത്തിലെ ഡോ. എബി മാത്യുവാണ് ഒന്നാം സ്ഥാനത്തിനുള്ള ടോറന്റ് യംഗ് സ്‌കോളർ അവാർഡ് കരസ്ഥമാക്കിയത്. മൂന്നു ലക്ഷം രൂപയുടെ കാഷ് അവാർഡും പ്രശംസാപത്രവുമാണ് സമ്മാനം.
എറണാകുളം കോലഞ്ചേരി സ്വദേശിയായ എൻ.പി. മത്തായിയുടെയും (റിട്ട എഫ്.എ.സി.ടി ) ഐജീ മത്തായി (റിട്ട. ബി.എസ്.എൻ.എൽ) യുടെയും മകനാണ് ഡോ. എബിമാത്യു. ഭാര്യ ഡോ. വർഷ മാത്യു ജൂബിലി മെമ്മോറിയൽ ആശുപത്രിയിൽ ഇന്റൻസിവിസ്റ്റാണ്. മക്കൾ: എയാൻ, ഇവാൻ.