കോലഞ്ചേരി: കൊവിഡ് വ്യാപനം രൂക്ഷമാകുന്ന സാഹചര്യത്തിൽ ബസുകളിൽ കുന്നത്തുനാട് പൊലീസ് പരിശോധന കർശനമാക്കി. പൊതുഗതാഗതം വഴി കൊവിഡ് വ്യാപനം തടയുക എന്ന ലക്ഷ്യത്തോടെ യാത്രക്കാരുടെ എണ്ണത്തിന് സീ​റ്റിംഗ് കപ്പാസി​റ്റിയിൽ കൂടുതൽ പേരെ അനുവദിക്കില്ല. പട്ടിമറ്റത്ത് നടത്തിയ പരിശോധനയക്ക് കുന്നത്തുനാട് പൊലീസ് ഇൻസ്പെക്ടർ സി.ബിനുകുമർ നേതൃത്വം നൽകി. ബസുകളിൽ സാനി​റ്റൈസർ സൂക്ഷിക്കണമെന്നും, സുരക്ഷ മാനദണ്ഡങ്ങൾ കൃത്യമായി പാലിക്കണമെന്നും മുന്നറിയിപ്പ് നൽകി. കൊവിഡ് വ്യാപനം തടയുന്ന കാര്യങ്ങളിൽ പൊതുജനങ്ങൾ സഹകരിക്കണമെന്ന് പൊലീസ് അഭ്യർത്ഥിച്ചു.