കോലഞ്ചേരി: പുത്തൻകുരിശ് പഞ്ചായത്തിൽ കൊവിഡ് ഡോമിസെലറി കെയർ സെന്റർ തുടങ്ങി. പുത്തൻകുരിശ് ബി.ടി.സി പബ്ലിക് സ്‌കൂളിന്റെ കിൻഡർ ഗാർഡൻ ബ്ലോക്കിലാണ് സെന്റർ. 75 കിടക്കകൾ സജീകരിച്ചിട്ടുണ്ട്. 4 നഴ്‌സുമാരോയും 4 സന്നദ്ധ പ്രവർത്തകരേയും നിയമിച്ചു. രോഗികളായി എത്തുന്നവർ ഒരാഴ്ചത്തേക്കുള്ള വസ്ത്രങ്ങൾ, ബെഡ് ഷീ​റ്റ്, തോർത്ത്,സോപ്പ് തുടങ്ങിയവ കൈയിൽ കരുതണം. രോഗികൾക്ക് ഭക്ഷണം, മരുന്നുകൾ, സെന്ററിലെത്താനുള്ള യാത്രയും സൗജന്യമാണ്. രോഗം മാറി മടക്കയാത്ര സ്വന്തം നിലയിൽ ക്രമീകരിക്കണം. അടിയന്തര ഘട്ടങ്ങളിൽ അല്ലാതെ സന്ദർശകരെ സെന്ററിൽ പ്രവേശിപ്പിക്കില്ലെന്നും നോഡൽ ഓഫീസർ അറിയിച്ചു.